Türkiyədə bir çox məşhur layihələrin müəllifi və aparıcısı Acun Ilıcalı illərdir birgə işlədiyi Show TV kanalı ilə işləməkdən imtina edib.

Bu il hər kəs futbolçuların transferini düşündüyü bir halda, Acun belə bir qərar verərək, ilin transfer bombasını partlatmağa hazırlaşır.

1996-cı ildən bəri işlədiyi Show TV-dən ayrılma səbəbləri bilinməyən Acunun böyük bir kanalın rəhbərliyi ilə restoranların birində nahar etdiyi bildirilir. Bu kanallar, Atv, Kanal D, Fox və Star ola bilər.

Xatırladaq ki, Acun Ilıcalı Türkiyədə “Survivor”, “O Ses Türkiye”, “Yetenek Sizsiniz Türkiye”, “Yok Böyle Dans” proqramları ilə məşhurlaşıb

 Azərbaycanın canlı əfsanəsi, xalq artisti Flora Kərimovanın 71 yaşı tamam olur.

Flora Kərimova 1941-ci il, iyulun 23-də anadan olub.

Asəf Zeynallı adına Bakı Musiqi Texnikumunu (1964), Azərbaycan Dövlət Tibb Universitetini (1971) və Azərbaycan Dövlət Konservatoriyasını (1977) bitirib. 14 yaşından bədii özfəaliyyət kollektivlərində, Azərbaycan Dövlət Tibb İnstitutunun “Çinar” ansamblında, 1960-cı illərdə Azərbaycan Dövlət Filarmoniyasında çıxış edib. 1983-cü ildən Azərbaycan Teleradio Verilişləri Şirkətinin solistidir.

Azərbaycan Dövlət Opera və Balet Teatrında Leyli (“Leyli və Məcnun”, Ü.Hacıbəyli) partiyasında çıxış edib (1966), “Qanun naminə” (1968) bədii filmində çəkilib.

 Xalq artisti Ağdam işğal olunduqdan bu yana ad gününü xüsusi qeyd etməyib.

 

Bəstəkar-müğənni Rəhim Rəhimli gənc ifaçılara yardımçı olmaqda davam edir.

O, Lamiyə Novruzovaya yayın ab-havasına uyğun bəstə verib.

İsti yay günlərində istirahətdən daha çox yaradıcılıqla məşğul olmağa üstünlük verən gənc müğənni yeni mahnının çox uğurlu olacağına inanır. Mahnı qısa zaman ərzində dinləyicilərə təqdim olunacaq.

L.Novruzova hələlik mahnının adını sirr saxlayır. Bundan əlavə, gənc müğənni bir neçə gündən sonra yay fəslinə uyğun yeni fotosessiyanın çəkilişinə başlayacaq.