Miladi: 11 iyul 2012
Hicri: 21 şaban 1433

İlin 193-cü günü
İlin sonuna 172 gün qalır

Bu günün namaz vaxtları

Fəcr - 04.44
Günəş - 06.20
Zöhr - 13.46
Əsr - 18.28
Məğrib – 21.28
İşa – 23.12

1874 - Görkəmli şair, yazıçı, maarifçi Abbas Səhhət (Abbasqulu Mehdizadə, 1874-1918) Şamaxıda anadan olub. Bədii yaradıcılıqla yanaşı, Azərbaycan məktəbləri üçün ilk dərsliklərin ("Yeni məktəb", "Türk ədəbiyyatına ilk qədəm") hazırlanmasında iştirak edib. Uşaqlar üçün şeir və hekayələri xüsusilə məşhurluq qazanıb. İxtisasca həkim olan A.Səhhət bu sahədə də xalqına xidmət göstərib, 1918-ci ildə ermənilərin talan etdiyi Şamaxıda həkimlik borcunu yerinə yetirərkən vəba xəstəliyinə düçar olaraq vəfat edib.

1903-cü ildə sovet kəşfiyyatçısı Rudolf Abel anadan olub

1934-cü ildə Jorjio Armani dünyaya gəlib

1956-cı ildə amerikalı aktrisa Sila Uord anadan olub

1969-cu ildə ukraynalı yazıçı Oleq Qutsulyak anadan olub

1975-ci ildə Köhnə Çinin paytaxtı Şianda 2000 il əvvələ aid gildən hazırlanmış həqiqi ölçülərə uyğun və silah əsləhəli 6000 heykəl tapıldı. Keramika əsgərlərin bir-birinə oxşamaması isə böyük təəccüblə qarşılandı.

1982-ci ildə İtaliya 3-cü dəfə dünya futbol kubokunu əldə etdi

1983-cü ildə isveçli müğənni Mariye Serneholt anadan olub

1990 - Erməni quldur dəstələri Tərtər-Kəlbəcər sərnişin avtobusunu partlatdıqdan sonra dinc insanları gülləbaran ediblər. Bu terror aktı nəticəsində 14 azərbaycanlı öldürülüb, 35 nəfər yaralanıb.

1991 - Erməni silahlı dəstələrinin Ermənistanda azərbaycanlıların sonuncu yaşayış məntəqəsinə - Mehri rayonunun Nüvədi kəndinə basqınları başlayıb. Ermənistan hüquq-mühafizə orqanları basqınların qarşısını almaq əvəzinə kənd sakinlərindən Azərbaycanla bütün əlaqələri kəsməyi tələb ediblər. Bu şantajdan bir qədər sonra (avqust) Nüvədi əhalisi deportasiya olundu.

2000 - Türkiyə prezidenti Əhməd Nejdət Sezər prezident postunda ilk xarici səfərini Azərbaycana edib. Azərbaycan və Türkiyə rəhbərlərinin görüşündə ikitərəfli münasibətlər, o cümlədən Bakı-Tbilisi-Jeyhan layihəsi ətrafında vəziyyət geniş müzakirə olunub.

2006-cı ildə Azərbaycan kino rejissoru və operatoru Rasim Ocaqov vəfat edib

Günün aforizmi 

Azad olmuş yox, azad edilmiş qul nə edəcəyini bilməz - ya keçmiş qulluğunun həsrətini çəkər, ya da yeni ağa axtarar [Əbülfəz Elçibəy]