Buna səbəb adıçəkilən şirkətin “Ambi pur” hava təravətləndiricilərinin reklamında Azərbaycan güləş yığmasından istifadə etməsidir.

Reklamda Azərbaycan idmançıları kəsif qoxunun sinonimi kimi təqdim edilir. Bu reklam Tatarıstanın Azərbaycan diasporasını qəzəbləndirib və onlar şirkəti milli ayrı-seçkilikdə ittiham edirlər.

Tatarıstanda fəaliyyət göstərən digər türk xalqlarının diaspor qurumları da azərbaycanlı həmkarları müdafiə edirlər.

“VK”nin müxbirinə açıqlamasında Tatarıstanın Xalqlar Assambleyasının sədr müavini Sakit Caksıbəyov deyir: “Belə çıxır ki, azərbaycanlılar pis iylənir. Bu cür reklama – milli ayrıseçkilik saldıqlarına görə istehlakçıları məhkəməyə vermək lazımdır. Əgər onlar qazaxlar barədə belə çəksəydilər, mən dərhal iddia qaldırardım”.

Xalqlar Dostluğu Evinin direktoru İrek Şaripov da eyni fikirdədir: “Dostlarım arasında çoxlu azərbaycanlılar var. Onlar məndə ağappaq köynəklə assosiasiya olunurlar, olduqca təmizkar adamlardır. Buna görə də başa düşmürəm ki, niyə onları kəsif qoxunun sinonimi ediblər. Fikrimcə, reklamdakı idmançıların milliyəti göstərilməməli idi, çünki onların sadəcə, idmançı olduqları önəmlidir. Ümumiyyətlə, pis qoxunu təcəssüm etdirən başqa obrazlar da tapmaq olardı ki, konkret millətlə assosiasiya olunmasın”.

Əməkdar mədəniyyət xadimi, Tatarıstan xalqlarının mədəniyyəti barədə kitabların müəllifi Venera Muşarova da bu cür videoçarxları multimədəni telekanallarda yerləşdirməyi yolverilməz hesab edir: “Bizim cəmiyyət onsuz da fobiyalarla – antiqafqaz, antiislam və Allah bilir nə fobiyalarla doldurulub. Nə üçün ayrı-ayrı millətlərin, etiqadların təmsilçilərinin mənfi obrazını yaradaq?”.

Tatarıstanın Azərbaycan diasporası Azərbaycanlıların Ümumrusiya Konqresinə məkrubla müraciət edəcək ki, bu təşkilat azərbaycan güləşçilərininh reklamda çəkilməyə razılıq verib-verməməsindən asılı olmayaraq, qalmaqallı reklam istehsalçılarını məhkəməyə versin.