Qoç - Məhsuldar gündür, istənilən problemin həllinə həvəslə girişirsiniz. Bunların arasında əvvəl həllolunmaz hesab etdikləriniz də var. Özünüzə çox güvənirsiniz, amma məntiqi düşüncəniz də bu gün «axsamır». İşdə uğurlar gözlənilir, biznesinizi genişləndirə bilərsiniz.
İdmanla, fiziki işlə məşğul olmaq, açıq havada aktiv istirahət məsləhətdir. Uzunmüddətli planlar qura bilərsiniz. Bunu həm təkbaşına, həm də yaxınlarınızla edə bilərsiniz. Nüfuzlu şəxslərlə, dövlət idarələrinin işçilərilə görüşlər yaxşı keçəcək.
Buğa - Maraqlı ideyalar, möhtəşəm ideyalar ortaya çıxacaq və bunları tezliklə həyata keçirə biləcəksiniz. Şərait heç də həmişə siz istədiyiniz kimi alınmır, ancaq qarşınıza qoyduğunuz məqsədlərə çatmağınıza da mane olmur. Pul ala bilərsiniz, maliyyə məsələləri sizin xeyrinizə həll olunacaq.
İntellektual işlərlə, mürəkkəb məsələlərlə məşğul ola bilərsiniz. Gün həmçinin təhsil, imtahan vermək, elm adamları ilə təmaslar üçün münasibdir. Xırda səfərlər maraqlı və xoş, uzunmüddətlilər isə yorucu və bəhrəsiz olacaq.
Əkizlər - Ziyafətlərdə iştirak, təntənəli məclislərin təşkili, qonaq qəbulu üçün əla gündür. Fantaziya və yaradıcı münasibət tələb edən bütün işlərdə tayınız-bərabəriniz yoxdur. Başqalarının öhdəsindən gələ bilmədikləri məsələləri həll edə bilərsiniz. Hesabat tərtibi, büdcə planlaşdırılması, biznesə yatırım məsləhət deyil.
Yaxınlarınızla münasibətləri bərpa edə, yeni tanışlıqlar qura bilərsiniz. Güzəştə gedir, əvvəl dil tapmadığınız insanlarla rahat davranırsınız. Hisslərinizi etiraf edə bilərsiniz.
Xərçəng - Ciddi problemləriniz yarana bilər, elə bilməyin ki, işdə yaranan çətinliklərin öhdəsinlən asanlıqla gələcəksiniz. Adi vəzifələrinizi yerinə yetirmək bu gün ağırdır. Qadınlarla dil tapmaq xüsusilə çətindir, emosiyalarınıza nəzarət etməsəniz, münaqişədən qaçmaq mümkün olmayacaq. İri sövdələşmələr bağlamaq məsləhət görülmür.
İşgüzar aktivliyinizi azaldın. Dincəlin, yaxınlarınızla vaxt keçirin. Axşam evdə oturun, ziyafətə getməyin. Sevgililər arasında ciddi fikir ayrılığı yarana bilər.
Şir - Yeni ideyalarınız çoxdur, siz onları hansı nəticəyə gətirib çıxaracağını düşünmədən reallaşdırmağa çalışırsınız. Planları tez-tez dəyişmək lazım gəlir və bir çox Şirlər doğru-düzgün istiqamət götürə bilmirlər. Çoxları işdə səhvlər buraxır, öz qüvvələrini düzgün hesablamırlar.
İntuisiyanız güclüdür, ətrafınızdakıları yaxşı anlayır, nə düşündüklərini, əsl məramlarını düz tapırsınız. Şəxsi problemlərin həlli, yaxınlarınızla aranızda olan fikir ayrılıqlarını aradan qaldırmaq üçün münasib gündür.
Qız - Gün elə də pis deyil, əhvalınızı bir şey pozur: planlaşdırdığınız iş alınmır, şərait dəyişib və improvizə etmək lazımdır. Xırdalıqlara diqqət yetirin, əhəmiyyətsiz detalları nəzərdən qaçırmamağa çalışın. Sizi yanıltmaq asandır. Təxribata uymayın, düşmənləriniz bundan istifadə edə bilərlər.
Maliyyə məsələlərinin həlli üçün münasib gündür, iri alış-veriş edə bilərsiniz. Yaxınlarınız sizi bədxərclikdə məzəmmət edəcək, amma tezliklə anlayacaqlar ki, siz ağıllı hərəkət etmisiniz. Romantik macəra mümkündür. O, ciddi deyil, amma xoşdur.
Tərəzi - Günün emosional fonu yaxşı deyil. Siz vurnuxur, səbəbi olmadan tez-tez qərarlarınızı dəyişirsiniz. Mənasız və gərəksiz yerə əsəbləşir, başqa vaxt əhəmiyyət verməyəcəyiniz hadisələri ürəyinizə salırsınız. Təhsildə problemləriniz yarana bilər.
Kömək üçün yaxın adamınıza müraciət edin, indi sizin dəstəyə ehtiyacınız var. Qəlbinizi sevindirmək üçün xırda-para əşyalar ala bilərsiniz, amma çox pul xərcləməyin. Təklikdə səfərlərə çıxmayın. Dostlarla isə lap dünyanın o biri başına da gedə bilərsiniz.
Əqrəb - Xırdalı-böyüklü xəyal qırıqları bütün gününüzü zəbt edəcək. Milçəkdən fil düzəldir, xırdalıqları ürəyinizə salırsınız. Həmkarlarınızın qeyri-peşəkarlığı sizi qıcıqlandırır, rəhbərlikdə də dava etməyə hazırsınız.
Şəxsi problemləriniz ortaya çıxa bilər. Sizin üçün dəyərli olan insanlarla dil tapmaq çətinləşir. Üstəlik, pullarınız da azalıb. Praktiki məsələlər öz həllini gözləyir, siz isə heç cür özünüzü toplaya bilmirsiniz.
Oxatan - Mürəkkəb gündür. Ətrafınızdakı adamların sayı nə qədər az olsa, bir o qədər yaxşıdır. Xüsusilə də səhərçağı tək qalmağa çalışın. İş burasındadır ki, bu gün münaqişə yaratmağa meyllisiniz. Hətta bunların sonunun sizin üçün nə qədər acı olacağı barədə də düşünmürsünüz. İşgüzar aktivliyi azaldın, bu gün adi günlərdə olduğundan daha çox yorulursunuz.
Güvəndiyiniz adam etibarınızdan sui-istifadə etməyə çalışacaqlar. Ola bilər ki, yaxın bir adamınız sizi yanıltmaq istəsin. Tanımadığınız adamlarla ünsiyyətə girməyin.
Oğlaq - Başqasının təsiri altına tez düşürsünüz və bu təsir he&¸ də həmişə yaxşı deyil. Sizi idarə etmək, öz mənafeləri üçün istifadə etmək istəyənlərin sayı kifayət qədərdir. Bir çox Oğlaqlarda destruktiv meyllər yaranır: çoxları bilə-bilə özlərinin ziyanına olan işlərə girişirlər.
Xoşbəxtlikdən, sizə dəstək ola biləcək insan uzaqda deyil. Düzdür, o sizin hərəkətlərinizin motivlərini başa düşmür, amma köməyini də əsirgəmir. Maliyyə problemlərinin və uzunmüddətli planların müzakirəsini başqa vaxta keçirin. Təmirə başlamaq məsləhət deyil. Bu gün istənilən narahatlığa kəskin reaksiya verirsiniz.
Dolça - Ətrafınızdakılarla münasibətlərlə gərginlik getdikcə artır. Hər xırda narazılıq böyük münaqişəyə çevrilə bilər. Başqalarının zəifliklərinə hörmətlə yanaşmaq lazım olduğunu, nədənsə, siz çox gec yadınıza salırsınız.
Müştərək layihələr, ümumi planların reallaşdırılması üçün münasib gün deyil, çünki istənilən əməkdaşlıqda problem yaranır. Problemləri şişirtməyə, panikaya düşməyə meyllisiniz. Üstəlik, sizin istədiyiniz kimi hərəkət etmək istəməyənləri də dərhal düşmən elan edirsiniz.
Balıqlar - Birmənalı olmayan, çətin gündür. Daim hansısa çətin situasiyadan qaçmalı olursunuz. Birgə işlədiyiniz insanların rəyini dinləyin. Həm özünüzün, həm də başqalarının ideyalarını götür-qoy edin. Peşəkar sahədə yaxşılığa doğru dəyişikliklər baş verə bilər, amma nəticəni çox tezliklə görəcəyinizi sanmayın.
Xeyli xərcə düşə bilərsiniz. Bu, çətin şəraitə düşən yaxın bir adamınızı xilas etmək üçün lazım olacaq. Zədə ala bilərsiniz, odur ki, mürəkkəb alətlərlə işləyərkən ehtiyatlı olun.
¸
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
və ya öz adınz ilə sayta daxil olmağı məsləhət görürük.