İtkin düşmüş daha iki neftçinin meyiti tapıldı - Türkmənistanda
"Günəşli" yatağında baş vermiş qəza nəticəsində itkin düşən daha iki neftçinin meyiti tapılıb.
Azad.Az xəbər verir ki,etibarlı mənbədən ATV.az-a verilən məlumata görə, neftçilərin meyiti Xəzərin Türkmənistan sahillərində tapılıb. Meyitlərdən biri saat 14 radələrində, o birisi isə saat 17 radələrində tapılıb.
ATV.az xəbər verir ki, Fövqəladə Hallar Nazirliyinin və ARDNŞ-in nümayəndələri sabah Türkmənistana yola düşəcəklər. Meyitlər sabah Azərbaycana gətiriləcək və kimlikləri müəyyən edildikdən sonra ailələrinə təhvil veriləcək.
“Azneft” İstehsalat Birliyində yaradılmış xüsusi qərargahdan "ATV Xəbər"ə faktı təsdiqləyiblər. Lakin iki deyil, bir neftçimizin meyitinin tapıldığını bildiriblər. Şəxsiyyəti bilinmir.
FHN-dən isə bildirilib ki, meyit sahildən 60 kilometr aralıdan tapılıb. Paltarının üstündə "Azneft" İstehsalat Birliyinin yazısı olub.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.