Ən qeyri-adi yol davaları silsiləsindən daha bir epizod.
Rusiyanın Çelyabinsk şəhərində ən qeyri-adi yol münaqişələrindən biri videoregistratora düşüb.

Mikroavtobusun yolunu kəsən sürücü ilə davaya Mikki-Maus, Luntik, “Buz dövrü”nün dələsi və Süngər Bob düşüblər.

Bu personajların gülərüz kostyumlarına baxmayaraq onlar sürücünü möhkəm əzişdiriblər. Mikki Maus, Luntik və Buz dövrünün dələsi Çelyabinskdə sürücünü döyüblər.

İnsident “kablukun” sürücüsünün mikroavtobusun yolunu kəsməsi ilə başlayıb (bu yolda kiçik ötüşmənin nəticəsi olduğu ehtimal edilir). Bundan sonra hər iki avtomobil dayanıb, sonra isə manevr edən avtomobilin sürücüsü mikroavtobusun sürücüsünə çox güman ki, xoşagəlməz söz deməyə yaxınlaşıb.

Sonra baş verənlər isə gözlənilməz olub: mikroavtobusdan cizgi filmi qəhrəmanlarının geyimində olan dörd nəfər enib. Onlar, necə deyərlər, heç kostyumun başlarını belə çıxarmadan sürücünü döyməyə başlayıblar.

Qeyd edək ki, Luntikdən fərqli olaraq amerikalı qəhrəmanlar çox aqressiv davranıblar.