Qarabağ Azərbaycana qayıdacaq.

O gün olacaq. Mütləq olacaq.

Amma o günü görməyimiz üçün istər ön cəbhədə, istər arxa cəbhədə bir olmalıyıq.

Azad.Az Gün.Az-a istinadən xəbər verir ki, bunu tanınmış ifaçı, əməkdar artist Aybəniz Haşımova öz facebook səhifəsində paylaşdığı  statusunda qeyd edib.

Onun qeyd etdiyinə görə,  özümüzdən-özümüzə düşmən qazanmamalıyıq.

“Kimlərsə 1992-ci illərdə də öz mənfəəti ücün xeyir qazanmaq istədi, qazandı da... Amma bu gün 1992-ci il deyil, 2014-dür və qüdrətli Dövlətimiz, ordumuz,ogullarımız var. Bu gün hər birimiz bu addımda ölkəmizin, dövlətimizin yanında olmalıyıq.

Savaş qalıb bir yanda, biz öz ölkəmizin bəzi xoşagəlməz halları ilə qarşılaşırıq... Bütün sənətkar əhlinin ürəyi Vətənlə, Sizinlə yanır əzizlərim. And icirəm Sizə, gərəkdirsə mən də gedəcəm savaşa. Özü də arxa cəbhədə yox, ön cəbhədə durmağa. Bunu 1992- ildə də etdim.Yenə də edəcəm.

Amma erməni quduzuna imkan verməyək ki, ölkəmizdən kicik belə xoşagəlməz məlumatı eşidərək bayram etsin. Kimsə səhf etdisə də onu öz icimizdə başa salaq ki,düz etmədin. Onu söyməq,döymək və yaxud da haqqında ləyaqətdsiz ifadələr işlətmək bizə gərək deyil. Vətənimin səhvli,səhvsiz bütün övladlarına qurban olum.

Onlar bizimdirlər. Vətən hər birimizin evidir. Onun tərkibində yaşayan bütün övladlar bizim balamızdır. Onları yalnız tərbiyə edə bilərik, söymək yox. Gəlin biri-birimizə dayaq və kömək olaq. Bu da Vətən borcudur!” - deyə, əməkdar artist daha sonra qeyd edib.