Keçən həftə Səudiyyə Ərəbistanının hökuməti daha 32 nəfərin MERS (Yaxın Şərq respirator sindromu) virusuna tutulduğunu aşkar ediblər.
Beləliklə, artıq 463 nəfər yeni və təhlükəli xəstəlikdən zərər çəkib.
Bu barədə “NEW STRAITS TIMES” Malayziya nəşri bildirib.
“Dörd xəstə çərşənbə günü, daha beş nəfər isə cümə axşamı bu xəstəlikdən vəfat edib. Vəfat edənlərin sayı ümumilikdə 126 nəfərə çatıb – bu iki il üçün olan göstəricidir. Son həftə ərzində Səudiyyə Ərəbistanının Cidd və Ər-Riyadd xəstəxanalarında virusa yoluxanların sayı kəskin şəkildə artıb. Aprel ayı ərzində xəstələnənlərin sayı təxminən iki dəfə, may ayının ilk ongünlüyü ərzində isə dördə bir dəfə artıb”, - nəşr yazır.

Koronavirus bütün dünyada: Livan, Qatar, Küveyt, İordaniya, BƏƏ, Malayziya, Oman, Tunis, Yunanıstan, Fransa, Almaniya, İspaniya, İtaliya, Britaniya, ABŞ və Filippində çox böyük sürətlə yayılır.

MERS virusu insanda öskürək, qızdırma, kəskin pnevmoniya və böyrək çatışmazlığı yaradır. İnkubasiya dövrü 12 gün çəkir, bu zaman ərzində virus və ya bakterial pnevmoniya formasına keçir. Virusdan vəfat edənlər yoluxanların 30%-ni təşkil edir.

Dünya alimləri artıq il yarımdır ki, (2012-ci ilin sentyabrından) MERS virusuna yoluxmanın ilk hallarından başlayaraq onun törədicisini heyvanlar arasında axtarırlar.

2012-ci ilin araşdırmalarına müvafiq olaraq MERS virusunun yaranmasına səbəb Misir uçan siçanlarıdır.

Başqa bir versiyaya görə koronavirusun yaranma səbəbi bir hürgüclü dəvələrdir.

Ən dəhşətlisi odur ki, həkimlər hesab edirlər ki, bu gün üçün bu xəstəliyin müalicəsi mövcud deyil. Həkimlər hələ bu virusa qarşı effektiv vasitə tapmalıdırlar.

Ərəb həkimləri arasında isə panika müşahidə edilməyə başlanılır. 2013-cü illərdə Jeddah’s King Fahd Hospital xəstəxanasının dörd həkimi MERS simptomları olan xəstələrə yardım etməkdən imtina ediblər. Onlar yoluxmadan qorxublar. Qalmaqal yarandı, Səudiyyə Ərəbistanı hökuməti Səhiyyə Nazirini tutduğu vəzifədən azad edərək, MERS virusuna yoluxmuş xəstələr üçün üç xüsusi mərkəz yaratdı.

Həyəcan doğuran isə Səudiyyə Ərəbistanına Həcc ziyarətinə gələn zəvvarların axını səbəbindən virusa yoluxanların sayının kəskin şəkildə arta biləcəyi faktıdır.

“Şimali Afrikadan tutmuş Cənubi-Şərqi Asiyaya qədər olan müxtəlif ölkələrdən yüz minlərlə adam həccə gəldiyi zaman yoluxaraq bu virusu öz ölkələrinə apara bilərlər”, - öz narahatçılığını Dubaydan doktor Mansur Əl-Zarouni bildirib.

“Səudiyyə Ərəbistanının Səhiyyə Nazirliyinin nümayəndələri həcc ziyarətinə gələn zəvvarları müsəlmanlar üçün müqəddəs yerləri ziyarət edərkən tənzif sarğılardan istifadə etməyə çağırıb. Xəstə və ahılları hökumət ümumiyyətlə, bu il həccdən imtina etməyə çağırır. Xroniki xəstəliklərdən, şəkər xəstəliyindən və QİÇS-dən əziyyət çəkən xəstələrə də ölkəyə səfərlərdən imtina etmək tövsiyə edilir”, bunu “The National” yazır.

Məkkəyə həcc ziyarəti sentyabr ayının sonundan başlayır. Azərbaycandan Səudiyyə Ərəbistanına 3600 nəfər zəvvar gedəcək. Əgər bizim zəvvarlar vətənə virusa yoluxmuş qayıdarlarsa, bu MERS xəstəliyinin yayılmasına səbəb olacaq.

Koronavirus bütün dünyada: Livan, Qatar, Küveyt, İordaniya, BƏƏ, Malayziya, Oman, Tunis, Yunanıstan, Fransa, Almaniya, İspaniya, İtaliya, Britaniya, ABŞ və Filippində çox böyük sürətlə yayılır.

Oxu.Az-ın öncədən xəbər verdiyi kimi, keçən il Mərkəzi Neftçilər xəstəxanasına Səudiyyə Ərəbistanından qayıtmış 5 nəfər müraciət edib. Zəvvarlarda yuxarı nəfəs orqanlarının kəskin respirator infeksion xəstəliyi müşahidə edilib. O zaman xəstəxanadan bildirdilər ki, “Səudiyyə Ərəbistanının isti havası belə xəstəliklərin inkişafına imkan yaradır”.

Elə günü bu gün də Azərbaycanın Səhiyyə Nazirliyi MERS virusunun yayılmasına optimist yanaşır.

“Bu virus elə də qorxulu deyil. O, müalicə olunur. Ona görə də heç bir təhlükə yoxdur”, - Oxu.Az-a Səhiyyə Nazirliyinin mətbuat xidmətinin rəhbəri Anar Qədirli deyib.