Bu ilin məzunları üçün qəbul imtahanları II və III qruplar üzrə iyulun 20-də keçiriləcək.
Azərbaycanda keçiriləcək buraxılış imtahanlarının vaxtı açıqlanıb.
TQDK sədri Məleykə Abbaszadənin keçirdiyi mətbuat konfransında bildirdiyinə görə, birinci istiqamət üzrə buraxılış imtahanları iyunun 8-də Bakı, Sumqayıt və Abşeronda keçiriləcək.
“İkinci istiqamət üzrə imtahanlar iyunun 13-də, 3-cü istiqamət üzrə iyunun 18-də, 4-cü istiqamət üzrə isə iyunun 24-də keçiriləcək. Eksternat imtahanlar isə iyunun 29-da keçiriləcək”.
Bu ilin məzunları üçün ali məktəblərə qəbul imtahanları I və IV qruplar üzrə iyulun 12-də, II və III qruplar üzrə isə iyulun 20-də keçiriləcək.
Əvvəlki illərin məzunları üçün qəbul imtahanı I və IV ixtisas qrupları üzrə mayın 11-də, II və III qruplar üzrə mayın 18-də olacaq.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.