Bu səhər Bakıda Avtobus işıq dirəyinə çırpıldı

Bakıda Nobel prospektində bu səhər ağır avto-qəza baş vermib. Hadisə yerində olan şahidlərin Azad.Az-a verdiyi məlumata əsasən avtobus sərnişin olmayıb. Sürücü səhər işə çıxarkən sükan arxasında yuxulayıb və dirəyə çırpılıb. İşıq dirəyindən başqa nəqliyyat nazirlinin kamerasını da aşırıb.

Azad.Az FHN-in saytına istinadən xəbər verir ki, Fövqəladə Hallar Nazirliyinin “112” qaynar telefon xəttinə Bakı şəhəri, Xətai rayonunda yol-nəqliyyat qəzasının baş verməsi və köməyə ehtiyacı olan 1 nəfər kişinin olması barədə məlumat daxil olmuşdur. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunmuşdur. Hadisə yerində əməliyyat şəraiti qiymətləndirilərkən məlum olmuşdur ki, vətəndaşa məxsus “Daewoo” markalı sərnişin avtobusu yol kənarındakı işıq dirəklərinə çırpılmışdır. Nəticədə, avtomobil deformasiyaya uğramış, avtomobildə olan sürücü sıxılmış vəziyyətdə qalmışdır. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə qeyd olunan şəxsi avtomobildən çıxararaq hadisə yerinə çağırılmış Təcili Tibbi Yardım stansiyasının həkimlərinə təhvil vermiş, habelə, hadisə yerində müvafiq təhlükəsizlik tədbirlər görmüşlər. Əməliyyat saat 07:06-da başa çatmışdır.