İş adamı Rza Zərrabın həbsdən buraxılması Türkiyədə gündəmin əsas məsələsinə çevrilib.
Azad.Az Türkiyə mətbuatına istinadən xəbər verir ki, Zərrabın xanımı, tanınmış müğənni Ebru Gündəş xəbəri vəkil Şeyda Yıldırımdan alıb.
Vəkil sənətçiyə zəng edərək “Ərini axşam evə gətirirəm. Gözün aydın, şəkərim” deyib.
Bundan sonra Ebru Gündəş həbsxanaya yollanıb. Ş. Yıldırım isə R. Zərraba paltar aparıb.
Qeyd Edək ki, Türkiyədə dekabrın 17-də başladılan anti-korrupsiya və rüşvət əməliyyatı zamanı həbs edilən azərbaycanlı iş adamı R.Zərrabla yanaşı nazir oğulları da azadlığa buraxılıb.
Türkiyə mətbuatının yaydığı məlumata görə, Barış Gülər, Kaan Çağlayan və Rza Zərrab da daxil olmaqla 5 nəfər sərbəst buraxılıb.
Həmin şəxslər barəsində Türkiyəni tərk etməmək qətimkan tədbiri seçilib. Bununla da səs-küylü əməliyyat çərçivəsində həbs edilənlərin hamısı azadlığa çıxıb.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.