Hümbətov yarım il əvvəl Rusiyadan qayıdıbmış.
Bakıda, metronun “Koroğlu” stansiyasının qarşısındakı körpüdən özünü atmış şəxs 6 ay əvvəl Rusiyadan qayıtmış Nərimanov rayonunun sakini imiş.
Oxu.Az xəbər verir ki, bu barədə Vesti.Az-a Sabunçu rayon 15-ci polis bölməsindən bildiriblər.
Artıq xəbər verdiyimiz kimi, yanvarın 4-dən 5-nə keçən gecə, saat 01:30 radələrində gənc insan metronun “Koroğlu” stansiyasının qarşısında körpünün üzərinə çıxaraq, intihar edəcəyini bildirib.
Hadisə şahidləri dərhal bu barədə FHN-i və polisi məlumatlandırıblar. Hadisə yerinə gələn xilasedicilər və polis gənci intihar fikrindən daşınmağa çağırsalar da, o, özünü yerə atıb. 3 saylı Sabunçu rayon xəstəxanasına yerləşdirilən gənc burada ölüb.
İlkin araşdırma zamanı intihar edən şəxsin kimliyi müəyyənləşdirilib. O, Qabil Mirzəyev küçəsində 26 nömrəli evdə yaşayan 1986-cı il təvəllüdlü Hümbətov Rəfail Cümşüd oğludur.
Məlumdur ki, yarım il əvvəl Hümbətov tikinti sektorunda çalışdığı Rusiyadan qayıdıb. Hümbətovun doğmalarının sözlərinə görə, o, Rusiyada adi fəhlə kimi işləyirmiş və ola bilsin, iş zamanı tikintidə zədə alıb və bundan sonra, onda psixiki çatışmazlıqlar müşahidə olunmağa başlayıb. Doğmaları güman edirlər ki, Hümbətovun başına kərpic yaxud da başqa ağır predmet düşüb.
Doğmaları Hümbətovu müalicə keçmək üçün Bakıya çağırıblar. Vətənə qayıdan Rəfail burada dəfələrlə özünü öldürəcəyini bildirib, qohumları onun bu addımı atacağından ehtiyat edirlərmiş.
Faktla bağlı araşdırma davam edir.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.