Yaxın vaxtlarda türkiyəli sənətçilər Murad Boz və Mustafa Ceceli Azərbaycana təşrif buyuracaqlar.

Onlar paytaxtda olduqları müddətdə həm konsert proqramı ilə çıxış edəcək, həm də Bakını gəzəcəklər. Onu da deyək ki, adları çəkilən müğənnilər Bakıya müxtəlif vaxtlarda səfər edəcək.

Hər iki konsertin təşkilatçısı olan “A Plus production”un rəhbəri Əli Hüseynov açıqlamasında müğənnilərlə danışıqlar aparıldığını və onlardan müsbət cavab alındığını deyib. O əlavə edib ki, istər Mustafa Ceceli, istərsə də Murad Boz Bakıda böyük məmnuniyyətlə çıxış etmək istədiklərini söyləyiblər.

Qeyd edək ki, “A Plus production”un dəstəyi ilə noyabrın 17-də türkiyəli rok ifaçı Emre Aydın Bakıda, “Buta Palace”da konsert verəcək.

Konsertin biletləri ilə maraqlananlara bildirək ki, Emreni dinləmək istəyənlər, yerindən asılı olaraq 40 manatdan 150 manatadək seçim edə bilərlər.