Bir müddət əvvəl Beynəlxalq Muğam Mərkəzində “Ankaf” şirkətinin istehsal etdiyi “Sarı gəlin” tarixi-sənədli filminin təqdimatı keçirilib. Xatırladaq ki, təqdimat mərasimində dövlət və hökumət nümayəndələri, Milli Məclisin deputatları, tanınmış mədəniyyət və incəsənət xadimləri iştirak etmişdilər. Mərasimdə mədəniyyət və turizm naziri Əbülfəs Qarayev çıxış edərək bu cür layihələrin Azərbaycan mədəniyyətinə təcavüz edənlərə cavab olduğunu bildirmişdi: “Bu layihə “Sarı gəlin”in məhz Azərbaycan xalqına məxsus olduğunu bir daha təsdiqləyir”. Bütün iştirakçılara minnətdarlığını bildirən filmin baş prodüseri və layihə rəhbəri Nazim Abdullayev demişdir ki, bu ekran əsəri müəyyən fasilələrlə 8 ay ərzində çəkilib: “Filmin çəkilişləri Azərbaycandan əlavə, Qazaxıstan, Qırğızıstan, Rusiya və digər ölkələrdə də aparılmışdır”. Təqdimatda Azərbaycan, Qazaxıstan, Qırğızıstan, Rusiya Federasiyasının Başqırdıstan və Xakasiya respublikalarının və Moldovanın Qaqauz Yerini təmsil edən folklor kollektivləri “Sarı gəlin” mahnısımı öz dillərində ifa etmiş və özünəməxsus musiqi alətlərində səsləndirmişdilər. Sonra “Sarı gəlin” filmi təqdim edilmişdi. Filmin ssenari müəllifi İdris Heydərli, rejissoru Rövşən Nicat, montaj rejissoru İlqar Tural, icraçı prodüseri Vüqar Heybətov, redaktorları Rasim İsmayılov, Hicran Mehdiyeva, operatorları Şahmar Səfəroğlu, İhab Hecazi, Alim Timurbekov və Sərxan Sadiqidir.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.