Müğənni Ayan Babakişiyeva bu dəfə yeniliyi klip bazarına gətirdi. Onun fotolardan ibarət animasiyalı klipi bunu deməyə əsas verir. Kadrları qrafika işləmələri ilə zənginləşən sənətçinin yeni klipi “Telefonum susub” adlanır. Sözləri İsmayıl Dadaşov, musiqisi Elçin İmanova məxsus mahnıya ekran həyatını Cehyun İbrahimoğlu verib. Klipin rəssamı Azər İbrahimoğludur. Yaradıcı heyətin klipdəki zəhməti danılmazdır. Ayan xanımın və eləcə də, klipdəki bütün görüntülər fotosessiya nəticəsində əldə olunub. Daha sonra rəssam əli ilə həmin görüntüləri texnikaya çəkib. Növbəti mərhələdə, qrafikanın köməyi ilə animasiyalı görüntülər yaradılıb. Bütövlükdə heyət, böyük zəhmət hesabına ortaya qeyri-adi məhsul çıxarıblar. Sözləri bu günümüzlə səsləşən həzin mahnı ilə görüntülər bir-birini tamamlayıb. Ayan bu ideyanın rejissordan gəldiyini söylədi. Ceyhun bəy isə öz növbəsində hələki bazara belə bir klipin daxil olmadığını deyib.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.