Dünyanın ən "ağır ayaq" futbolçusunun kim olduğu deyəsən bəlli olub. Bu, "Arsenal"ın oyunçusu Ramseydir. Onun adının ətrafında dolaşan və dünyanın idman gündəmində də geniş yer tapan xəbərlər belə deməyə əsas verir. Bu təsadüflər hətta "Curse of Ramsey" (Ramseyin lənəti) adlandırılır. Belə ki, 2008-ci ildə Londona transfer olan 22 yaşlı oyunçunun son iki ildə "Arsenal" forması ilə atdığı hər qoldan sonra bir tanınmış ölüb.
Ramseyin attığı 4 qol və dünyasını dəyişən məşhurlar bunlardır:

1 may 2011-ci il - Ramsey "Arsenal"-"Manchester United" matçındakı yeganə qolu atdı və ertəsi gün "Əl Qaidə" lideri Usama Bin Laden öldürüldü.

2 oktyabr 2011-ci il - gənc futbolçu "Tottenhem" ilə oyunda yeganə qolun müəllifi oldu və Stiv Cobs öldü.

19 oktyabr 2011-ci il - O, Çempionlar Liqasında "Marsilya"nın 1-0 məğlub olduğu oyunda qolun müəllifi oldu və ertəsi gün Liviyanın devrilən lideri Qəddafi qətlə yetirildi.

11 fevral 2012 - Son olaraq "Arsenal"ın "Sunderland’i 2-1 məğlub etdiyi matçda komandasına ilk qolu qazandırdı. Eyni günün axşamı isə dünya şöhrətli Uitni Hyuston dünyasını dəyişdi.

Bundan əlavə, 22 yaşlı futbolçu Ramseyin 27 fevral 2010-cu ildə "Stoke City" ilə oyunda ayağını iki yerdən qırandan sonra Çilidə 8,8 bal gücündə zəlzələ qeydə alındı. Bu yeraltı təkanlar yüzlərlə insanın ölümü ilə nəticələnmişdi.