Məktəb İlləri..
Mən günü-gündən bu gözəlləşən..
Sevimli məktəbdən necə əl çəkim.
Ürəkləri təmiz gülüşləri şən..
Rəfiqələrimdən necə əl çəkim.
Mehriban ana tək qayğımı çəkən..
Daima üstümdə yarpaq tək əsən..
Həyat yollarıma gün tək nur səpən..
Müəllimlərimdən necə əl çəkim.
Hər zaman ən yaxın həmdəmim olan..
Kədərli könlümə təsəlli olan..
Onlarsız bir günüm bir heç sayılan..
Əziz kitablardan necə əl çəkim.
O ötən günlərim yadıma düşdü..
Yenə şagirdliyim qarşımda durdu..
Məndən kədərli könül kədərlə sordu..?
Doğma məktəbimizdən necə əl çəkim...
Xatirələrim...
Həyata insan gəlir..bapbalaca bir insan. Bu balaca bir varlığın dünyaya gəlməsinə bütün qohum-əqrəba, nənə-baba, ata-ana sevinir..
Bəli,həmin balaca insan yavaş-yavaş böyüyür, uşaqlıq illərinə qədəm qoyur. Ona cürbəcür oyuncaqlar alınır, onun əlindən tutub bağçaya aparırlar. Bu balaca insan öz uşaqlıq aləmini yaşayır. İllər keçir uşaq məktəb yaşına çatır, onu məktəbə aparırlar..
Budur ilk zəng..cingiltili səsi ilə səslənən ilk zəng..Bu ilk zəngin səsi o dərəcədə təsirlidirki, hətta uşağını 1ci sinifə gətirən valideynlər də bu səsin təsirindən kövrəlirlər..Bəzilərinin göz yaşlarını görmək olur..Çünki onlar da haçansa bu zəngin səsi ilə doğma məktəbə qədəm qoyublar..
Bəli, mənim əziz rəfiqələrim və dostlarım..Artıq bizim üçün də bu ilk zəng arxada qalıb..Elə bilki biz bu zəngi bu yaxınlarda eşitmişdik..amma sən saydığını say, gör fələk nə sayır..Artıq 11 il gəlib keçib..Biz artıq son zəngə hazırlaşırıq. Haçansa biz şagird idik, indi isə məzunuq...
Son Zəng necə də təsirli səslənir..Biz bu zəngin səsini ilk dəfə eşidəndə bilmirdikki uşaq yaşlarından tutmuş gəncliyimizin ilk çağlarına qədər burada tərbiyə alacağıq. Müəllimlərin öyüd və nəsihətləri ilə böyüyəcək, həyatın mənasını anlamağa başlayacağıq...
I sinifə gələndə qürur duyurduq..çünki özümüzü hamıdan ağıllı, hamıdan böyük hesab edirdik və hər şey bizim üçün çox asan gəlirdi..Lakin hələ bilmirdik ki, bu həyatın yolları necə də keşməkeşli, necə də işıqlı-qaranlıqdır...
Dönüb arxaya baxmaq, şagird olmaq və bir də 11 ildə keçirdiyim məktəb həyatını qaytarmaq istərdim...
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.