ANN.Az-ın “ITAR-TASS”a istinadən verdiyi xəbərə görə, bu barədə ABŞ-ın Texas universitetinin elm adamları araşdırma aparıblar. Araşdırmaya cəlb edilən 20-45 yaş arası 100 qadına bir neçə ay ərzində tanışlıq saytlarındakı kişilərin fotolarına, videoroliklərinə baxmaq təklif edilib. Sual belə olub: bu kişilərdən hansını onlar özlərinin gələcək həyat yoldaşı kimi görürlər?
Araşdırmanın rəhbəri, psixologiya üzrə professor Kristina Dürantenin sözlərinə görə, əksər qadınların seçimi “pis kişilər” olub. Onları güclü iradəyə, aressiyaya və gücə malik kişilər cəlb edib.
Digər maraqlı fakt isə bundan ibarətdir ki, qadınlar hətta ən aqressiv, ədəbsiz kişilərin “normal” kişilərlə müqayisədə daha çox onların uşağının atası olmağa layiq olduğunu deyiblər. Dürantenin fikrincə, buna səbəb qadınların çox saf şəkildə ailənin təsiri belə kişiləri dəyişə biləcəyinə inanmasıdır.
Araşdırmanın daha da tutarlı olması üçün iştirakçılara aktyorlarla görüşməyi və onlarla ünsiyyət qurmağı təklif ediblər.

Aktyorların yarısı qayğıkeş və sevən kişilər digər yarısı isə kobud, ama yaraşıqlı kişilər olub. Sonda nəticə hamını heyrətlənidirib: “Pis kişilər” “Ən xoş niyyətli kişiləri” kəskin fərqlə qabaqlayıb.