(5 ~11 avqust)
OĞLAQLAR bu həftə tələm-tələsik nəticə çıxarmamalıdırlar. Hər xırda məsələdən ötrü nə özünüzün, nə də başqalarının qanını qaraldın. Onsuz da dünyanı düzəldə bilməyəcəksiniz. Əbəs yerə qan-qaraçılıq salacaqsınız. Pul məsələlərində son dərəcə ehtiyatlı olun, çünki əsəbi vəziyyətlə maliyyə məsələləri bir yerə sığmır. Soyuqqanlı olmağa çalışın.
DOLÇALARIN iş yerində islahatlar gözlənilir. Bu dəyişikliklərin bir ucu sizə toxunacaqdır. Əliniz işdən soyumasın, çünki işlə bağlı hər bir dəyişiklik sizin xeyrinizə olacaq, yaradıcılıq və təşkilatçılıq potensialınızı üzə çıxarmağa imkan verəcəkdir. Bu həftə arzu və imkanlarınızı uyğunlaşdırmağa çalışmalısınız. Özü də söhbət təkcə maliyyə məsələlərindən getmir.
BALIQLAR son aylar onları məşğul edən müxtəlif konstruktiv ideyaları həyata keçirməyə başlayacaqlar. Sizə inanan və fikirlərinizi bölüşən etibarlı tərəfdaşlar tapacaqsınız. Ətrafınıza göz gəzdirin. Onda mütləq sizinlə birlikdə yeni işə başlamağa hazır olan adamlar tapacaqsınız.
QOÇLAR bu həftə son dərəcə diqqətli olmalıdırlar. Səriştəsizliyiniz və məlumatsızlığınız ucbatından bəzi maliyyə məsələlərindən sizə qarşı istifadə edə bilərlər. Buna yol verməmək üçün bütün sənədləri çox diqqətlə öyrənin. Problemlərdən qaçmağın yolu diqqətli olmaqdadır.
BUĞALARA rəhbər vəzifə təklif edəcəklər. Yeni iş yerində hər şeyi təzədən başlamalı olacaqsınız. Buna baxmayaraq bu iş sizə maraqlı gələcək və elə bir problem yaratmayacaqdır. Yeni ideyalarınız gələcəkdə irimiqyaslı layihələrə rəvac verəcəkdir. Yaxınlarınızla mehriban dolanmağa çalışın. Münaqişə yaransa, barışmaq üçün ilk addımı siz atmalısınız.
ƏKİZLƏR karyera məsələləri barədə ciddi düşünməlidirlər. Hadisələrin uğurlu gedişatı imkanlarınızı reallaşdırmağa imkan verəcəkdir. İndiki maliyyə durumunuz mağazalara baş çəkməyə imkan vermir. Ya aldığınız şeylər gərəksiz olacaq, ya da xərcləriniz sizi sıxıntıya salacaqdır.
XƏRÇƏNGLƏR yaxınlarının iradlarını səmimi qəbul etməyi öyrənməlidirlər. Məsləhətə qulaq asmasanız, bu həftə ətrafdakılarla münasibətləri korlayacaqsınız. Özünüzə tənqidi yanaşmağa, hisslərinizə hakim kəsilməyə, nəzakətli olmağa çalışın. Onda sonrakı peşmançılıq da olmayacaqdır.
ŞİRLƏR bu həftə işgüzar və şəxsi əlaqələrini möhkəmləndirəcəklər. İnadkarlığınız və peşəkarlığınız sayəsində hər bir işdə uğur qazanacaqsınız. İşgüzar tərəfdaşlarla görüşlər və danışıqlar səmərəli olacaqdır. Tənbəlliyin daşını atın, diqqətinizi işiniz üzərində cəmləşdirin. Onda vacib saydığınız layihələri başa çatdırmaq üçün həm vaxt, həm də güc tapacaqsınız.
QIZLAR bacarıq və istedadları ilə parlayacaqlar. Nikbinliyiniz və vəziyyətdən çıxış yolu tapmaq bacarığınız ətrafdakılar tərəfindən rəğbətlə qarşılanacaqdır. Kənardan aldığınız informasiyaya qarşı diqqətli olun. Ondan səmərəli istifadə sizə çox fayda verə bilər. Bu günlər bütün layihələrinizi başa çatdıracaq, faydalı tanışlıqlar quracaqsınız.
TƏRƏZİLƏR özlərində yeni istedad və imkanlar kəşf edəcək, bütün işlərində müsbət nəticələrə nail olacaqlar. Cazibədarlığınız, insanlarla dil tapmaq bacarığınız sayəsində diqqət mərkəzində olacaqsınız. Cəmiyyət içində olmaq fayda gətirəcəkdir. Sizin üçün lazımlı və əhəmiyyətli olan informasiya əldə edəcəksiniz.
ƏQRƏBLƏR maraqlı işgüzar təklif alacaqlar. Səyləriniz rəhbərlik tərəfindən yüksək qiymətləndiriləcəkdir. Nəticədə nüfuzunuz artacaq, qarşınızda qibtəediləcək perspektivlər açılacaqdır. İşgüzar xarakterli yeni tanışlıqlara barmaqarası baxmayın. Gələcək uğurlarınız yeni tanışlarınızdan asılı olacaqdır.
OXATANLAR bu günlər daha məqsədyönlü olmalı, işə yaradıcı yanaşmalıdırlar. Onda mütləq istədiyiniz nəticəni əldə edəcəksiniz. Həftə xidməti məsələlərin həlli baxımından da uğurludur. Özünüz üçün maraqlı şeylər kəşf edəcəksiniz. Tədbirli və uzaqgörən olmağınız sayəsində bir çox planlarınızı həyata keçirib, qarşıya qoyduğunuz məqsədə çatacaqsınız.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.