Apple iOS7-ni yenilədi

Apple şirkəti iOS 7.0 və iTunes 11.1 dördüncü beta-versiyasını buraxıb.
Hazırda hər iki məhsul Apple Developerdə təqdim edilir.

iOS 7.0 beta 4 əməliyyat sisteminin təsvirində qeyd edilib ki, o, yeni funksiyalar daşımır, lakin əməliyyat sisteminin yeni versiyasında köhnə səhvlər düzəldilib və sistemin istehsal gücü artırılıb.

iOS 7.0 əməliyyat sisteminin ictimai nümayişi bu ilin payız aylarında nəzərdə tutulub. Apple şirkəti yeni sistemin daha iki beta-versiyasını buraxmağı nəzərdə tutub, bundan sonra isə, sentyabrın ikinci yarısında, Golden Master versiyasının nümayişi gözlənilir.

iTunes 11.1 beta-versiyasında isə kontentin yayımı ilə bağlı olan radio funksiyaları yaxşılaşdırılıb.

Ötən həftə eyni anda bir neçə nüfuzlu analitik agentlik mobil telefon bazarı üzrə hesabatını dərc edib. Bu gün Kantar tədqiqat şirkəti də onlara qoşulub.

Android ABŞ-da güclənir

Sözügedən şirkət 2013-cü ilin ikinci rübü üzrə Amerikanın smartfon bazarındakı vəziyyəti araşdırıb.

Məlum olub ki, Android ABŞ-da ən populyar mobil əməliyyat sistemi olaraq qalır. ABŞ-da hazırda Google-un platformasının payı 51,5% təşkil edir.

42,5% göstəriciyə malik iOS platforması ikinci yerdə qərarlaşıb. Ötən illə müqayisədə alma şirkətinin platformasının payı 3,3% artıb. BlackBerry şirkətinin ABŞ-da mövqeyi zəifləməyə davam edir və hazırda Kanada istehsalçısının Amerikanın smartfon bazarında payı 1,1% təşkil edir. Microsoft şirkətinin Windows Phone platformasının payı 4% olub.