Bakıda axşam saatlarında başlayan yağış şəhər təsərrüfatının yenə bərbad gündə olduğunu göstərdi. Büdcədən ayrılan milyonlara baxmayaraq, şəhərin kanalizasiya sistemindən heç bir yeniləmə işlərinin aparılmaması küçələri selə qərq etdi. İndi təqdim etdiyimiz görüntülər şəhərin sadəcə bir hissəsinə aiddir. Ən dəhşətlisi isə odur ki, Bakı şəhər İcra Hakimiyyətinin binasının qarşısı belə yağış suları altında olub.

Bu görüntülərə baxanda, KVN teatrındakı məşhur səhnə gözlər önünə gəlməyə bilmir. Qar təmizlənməsi üçün küçəyə çıxarılmış texnikaya "Hacıbala" müəllim, "ə, söndürün maşını, qoy AzTV gəlsin sonra başlayarsınız", deməsi yada düşür. Kamera gedən kimi isə, "söndürün, day çəkiliş qurtardı", deyir. Yəqin elə bu cür münasibətin nəticəsidir ki, asfaltın üstünə iki damcı yağış düşəndə, asfaltın altdan gedən kanalizasiya borusundakılar üzə çıxır.