Yaponiyanın mobil rabitə operatoru Willcom şirkəti çəkisi 32 qram olan Phone Strap 2 mobil telefon modelini təqdim edib. Tərtibatçılar qurğunun dünyanın ən kiçik və ən yüngül mobil aparat olduğunu deyirlər.
DailyComm saytının məlumatına görə, telefonun hündürlüyü 70, eni 32, qalınlığı 10,7 millimetrdir. Aparat rəqəmli klaviatura və birdüymlü rəngli ekranla təchiz edilib. Phone Strap 2-də quraşdırılmış kamera mövcud olmasa da, infraqırmızı port yer alıb. Qurğunun gözləmə rejimində avtonom iş müddəti 300 saata, danışıq rejimində 2,5 saata bərabərdir.
Tərtibatçılar bildirirlər ki, aparat mobil telefonların zəng etmə, SMS göndərişi, elektron poçtun oxunması və s. kimi əsas funksiyalarını yerinə yetirir.
Phone Strap 2-nin qiyməti 130 dollardan başlayacaq və yalnız Yaponiya ərazisində satılacaq.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.