Türkiyə “Eurovision”dan imtina etdi

TRT: “EBU ayrı-seçkilik edir”

Türkiyə Radio Televiziyası (TRT) Baş İdarəsi “Eurovision” mahnı müsabiqəsi ilə bağlı qərarını açıqlayıb. Türkiyə mətbuatının verdiyi məlumata görə, TRT Baş İdarəsi bu il “Eurovision” mahnı müsabiqəsində iştirak etməyəcək.

TRT televiziyası bu yarışmaya qatılmayacaqları haqda bəyanat verib. Bəyanatda deyilir ki, EBU (Avropa Yayım Birliyi) üzv dövlətlər arasında ayrı-seçkilik edir: «Almaniya, Fransa, İngiltərə və İtaliya son illərdə uğur əldə etməsələr də, yarımfinala qatılmadan finalda yarışırlar. Biz bunu haqsızlıq sayırıq. Bu mahnı yarışmasına 1975-ci ildən qatılırıq. Bu günə kimi 34 yarışmada yer almışıq. 1976, 1977, 1979 və 1994-cü illərdə müxtəlif səbəblərdən yarışda iştirak edə bilməmişik”.

Qeyd edək ki, müxtəlif səbəb üzündən Avropanın 4 ölkəsi gələn il İsveçdə keçiriləcək «Eurovision» mahnı yarışmasında iştirak etməyəcəyini bildirib.

 Əlcəklər sensor funksiyasına malik olacaq – VİDEO

Stilusla işləyən sensor ekranlar keçmişdə qaldı. Hazırkı müasir ekranlar yalnız barmaq toxunuşlarına “cavab verir”. Buna görə qış fəslində smartfonda, məsələn, musiqi parçasını dəyişmək üçün hər dəfə əli isti əlcəkdən çıxartmaq lazım gəlir.

Lakin alimlər bu problemi həll ediblər elektron xəbər xidməti “vesti.ru” saytı bildirir ki, “AnyGlove” şirkətinin hazırladığı xüsusi maye polimer elektrik keçirmə qabiliyyətinə malikdir və bu maddənin tətbiq edildiyi əlcəklər sensor ekranlarla birbaşa işləyə bilir. Lakin toxunuş dəqiqliyi bir qədər aşağıdır.

Sensorlaşdırma prosesi çox sadədir: mayeni əlcəyin barmaqlarına damcılatmaq və onun qurumasını gözləmək lazımdır. Maye polimerlər parçanın lifləri arasına daxil olaraq elektrik naqillərinə çevriləcək. “AnyGlove”-un bir flakonunu uzun müddət üçün kifayət edir: maye öz təsirini 1 həftə ərzində saxlayır.

Bununla belə “AnyGlove” çatışmazlıqlardan da hali deyil. Polimerləri ağ əşyalar üzərinə damcılatmaq tövsiyə edilmir, çünki ləkə saxlaya bilər.

Bundan başqa, 7,5 millilitr həcmli kiçik şüşənin qiyməti 15 dollardır (təxminən 460 rubl). “Yandeks. Market”-in məlumatına görə, sensor əlcəklərin orta qiyməti təxminən 500 rubl təşkil edir. 

30 metrlik ağacdan yelləncək

«Visiondivision» kompaniyasının «Çubuq» adlandırdıqları bu möhtəşəm əsəri yaratmaq üçün sadəcə bir ağac lazımdır. Bu yaxınlarda İndianapolis İncəsənət muzeyi memarlıq firmasından insanların şəhər tünlüyündən dincəlməsi, özlərini təbiətə və incəsənətə həsr etmələri üçün yerli parkların birində 40 ha-lıq yerə yeni konsepsiya sifariş edir.

Firmanın nümayəndələri bildirirlər ki, dizayn «yenilik qurban tələb edir» şüarı əsasında hazırlanıb. Dizaynın əsası kimi onlar İndiana ştatının mili ağacı hesab olunan 30 metrlik liriodendron laləsindən istifadə ediblər. «Visiondivision» ağacda kəsimlərin möhkəm və uzunömürlü olması məqsədilə planlaşdırmada ağackəsənlər və struktur mühəndislərilə birgə işləyib. Layihədə ağıacın hətta ən kiçik hissəciyi də istifadə olunub. Ağacın qabığı soyulduqdan sonra kəsilərək sobada qurudulub. Konstruksiyanın digər hissələri də, o cümlədən sütunlar, kiosklar üçün dirəklər, yelləncəklər, massa və stullar ağacdan hazırlanıb. Pəncərələrin bəzənməsi üçün isə ağacın preslənmiş yarpaqlarından və güllərindən istifadə olunub. Kioskda ağacın qabığından alınan şirə satılacaq. Ən maraqlısı isə dizayn kompaniyasının özü layihə üzərində işləyərkən açılan yeni-yeni fürsətlərə təəccübləniblər.