Alimlər təbii fəlakətlərin artmasını planetlərdəki dəyişikliklərlə əlaqələndirirlər.
Son dövrlərdə baş verən təbii fəlakətlərin, sel və daşqınların artması dünyanın sonunun yaxınlaşması barədə səslənən fikirlərin dönə-dönə vurğulanmasına gətirib çıxarır. Doğrudur “2012-ci ildə dünyanın sonu olmayacaq” deyənlərin sayı artmaqla bərabər arqumentləri də güclənir. Bununla belə astronomlar bildirirlər ki, yerdə suyun tarazlığını şərtləndirən başlıca amil Yerin təbii peyki Ayın vəziyyətidir. Əgər Ay mövcud vəziyyətini az da olsa dəyişərsə, Yerdə tarazlıq pozulacaq. Müşahidələr isə son illərdə Ayın səthində dəyişikliklərin olduğunu göstərir.
Aydakı dəyişiklik Yerdə suyun hərəkətinə təsir edir
Astroloq Firudin Qurbansoy da Ayın vəziyyətinin suyun hərəkətinə təsirinin böyük olduğunu bildirir. Həmçinin onu da əlavə edir ki, Ay 28 görkəmdə olmaqla 14 gün azalır, 14-cü gün bədirlənir, 16-ci gündən etibarən isə azalmağa başlayır. Bu isə nəinki suyun hərəkətinə, hətta insan psixologiyasına da təsirsiz ötüşmür: ”Əgər bədən yaraları Ay təzə çıxanda yaranıbsa, o zaman gec sağalır. Ay bədirlənəndə dünyaya gələn uşaq gözəl olur. Suyun irəli gəlib geri çəkilməsinə də Ayın vəziyyətinin təsiri böyükdür. Beləliklə Ayın vəziyyəti bir çox şeyə təsir göstərir”. F.Qurbansoy Yerdə baş verən təbii fəlakətlərin artmasının 2012-ci ildə dünyanın sonu olacağı ilə bağlı məlumatları az da olsa təsdiqlənməsi fikri ilə razılaşmır. Astroloqun sözlərinə görə, bu məsələ amerikalılar tərəfindən bilərəkdən ortaya atılıb və dünyanı qorxu altında saxlamağa hesablanıb: ”2012-ci ildə dünyanın sonu olacağı barədə xəbərlər bilərəkdən uydurulur. Məqsəd daha çox qazanc əldə etmək və insanları daha çox qorxu altında saxlamaqdır. 2012-ci ildə bu baş verməyəndə 2040-ci ildə baş verəcəyini söyləyəcəklər. O ki qaldı qiyamətin əlamətlərinin görünməsinə bu əlamətlər min ildir ki, var”.
Aktivliyi zəlzələ ocaqlarını oyadır
Astronomların bildirdiyinə görə isə, hər 11-12 il davam edən dövrün sonunda Günəşin maksimum aktivliyi müşahidə edilir. Rus biofiziki Aleksandr Çijevski ilk dəfə olaraq Günəşin aktivliyi və tarixin gedişi arasında əlaqəni müşahidə eləyib. 1905, 1917, 1928–29, 1991-ci illər Günəşin maksimum fəal olduğu illər olub və həmin illər tarixi hadisələrlə yadda qalıb. Günəş fəallığının pik həddi isə 2012-2013-cü illərdə olacaq. Bu zaman bütün dünyada elektrik enerjisinin tamamilə və ya qismən sönməsinə səbəb ola biləcək günəş fırtınasının gözlənildiyi bildirilir. Günəşdə baş verəcək güclü fırtınanın maksimum həddinin 2012-ci ilin sonu 2013-cü ilin əvvəlində olacağı deyilir. 2003-cü ildə baş verən Günəş fırtınasında bir neçə peyk sıradan çıxıb, İsveçin 3 şəhərində elektrik enerjisi olmayıb. N.Tusi adına Şamaxı Astrofizika Rəsədxanasının Günəş və Yer əlaqələri şəbəsinin müdiri Namiq Cəlilov da Günəş fəallığının Yerə təsirinin az olmadığını vurğulayır. Onun sözlərinə görə, bu xüsusi ilə ekologiyaya təsir edə, zəlzələ zonalarında aktivlik hiss edəcək qədər arta bilər: ”Günəşdə aktivlik gücləndikcə ümumi enerji miqdarı artır. Amma canlı aləm artıq bu prosesə adaptasiya olunub, lakin təbii ki, Günəşdə baş verən bütün proseslər Yerə təsir göstərir”.
Günəş fəallığı ölüm əlamətlərini gətirir
Qeyd edək ki, Günəşin insan həyatındakı rolunu öyrənən heliopsixologiya elmi Günəşin fəallaşması tsikli boşanmaların intensivləşməsi, silsilə qətllərə təsir göstərdiyini deyir. Hətta Günəş fəallığının ümumiyyətlə ölümün əlamətlərini gətirdiyi vurğulanır. Günəş partlayışlarından sonra qan dövranı xəstəliklərindən ölənlərin və intihar edənlərin sayının artdığı iddia olunur.
Lakin təsəlliverici məqam ondan ibarətdir ki, 2012-ci ildə dünyanın sonunun olacağı barədə Mayya təqviminə əsaslanaraq verilən proqnozların yanlışlığı üzə çıxıb. Qvatemalanın şimal qərbində Mayya şəhərlərindən olan Xultuna aid qalıqlarda qara taxta şəklində divarları olan 1,8 kvadrat metrlik otaq tapılıb. Divardakı rəsmlər sayəsində mayyalıların bilinən qədim astroloji təqvimi üzə çıxıb. Təqvimdə 2012-ci ildən sonrakı tarixlər barədə də işarələrə rast gəlinir. Beləliklə də dünyanın daha 7 min il daha mövcud olacağı bildirilir.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.