Alimlər artıq uzun müddətdir ki, onlardan hansının ən ağıllı olduğunu araşdırırlar.

Alimlərin “Dünyanın 10 ən ağıllı heyvanı” hesab etdiyi heyvanların siyahısını və onlar haqqında məlumatı sizə təqdim edirik. Ən ağıllı heyvanlar silsiləsindən 10-cu yerin sahibi – SİÇOVULLAR

10-cu yer : Siçovullar

Adətən siçovul sözün eşidəndə biz boz, uzun quyruğu olan xoşagəlməz bir məxluq təsəvvür edirik. Lakin indi yazacaqlarımı oxuduqda siçovullar haqqında olan fikirləriniz dəyişə bilər.

Onlar həmişə biz olan yerdədilər. Onlar bizim atdıqlarımızı yeyirlər. Biz onları görməyə bilərik, lakin onlar bizim ayaqlarımız altında özlərinə yer hazırlayırlar. Siçovullar Antarktidadan başqa bütün qitələrdə mövcuddular.Siçovulların iti ağıllarının göstəricilərindən biri də onların yumurtaları qırmadan oğurlamalarıdır. Araşdırmalar zamanı məlum olub ki, yumurtanı oğurlamaq üçün bir siçovul qarnıüstə uzanaraq yumurtanı yumşaq qarnının üzərinə yerləşdirir. Digər siçovul isə yerdə uzananı quyruğundan tutaraq yuvaya sürüməyə başlayır. Onların üstünlükləri ondan ibarətdir ki, insanlar bu məxluqlara qalib gələ bilmirlər. Həmçinin onların hissiyatları onları çox bəlalardan qutarır. “Siçovullar batacaq gəmini tərk edir” sözü boşuna yaranmayıb. Adətən zəlzələ baş verəcək ərazini siçovullar bir-iki gün qalmış tərk edirlər. Onların hissiyatları çox güclüdür. Siçovulların dəstəsində başçı və köməkçilərdən başqa bir növü “kəşfiyyatçılar” da olur. Onlar qoyulmuş tələlərdə olan qidanı yoxlayırlar və əgər “kamikadze” təhlükə siqnalı verirsə, digər siçovullar həmin əraziyə yaxınlaşmırlar. Adətən yeməyi daddıqdan sonra “kamikadze”lər mədələrini yumaqla məşğul olurlar və çoxlu miqdarda su içirlər. Siçovulları insanlardan fərqləndirən amillərdən biri də odur ki, onlar heç vaxt eyni səhvi iki dəfə təkrarlamazlar. Siçovullar 50 milyon il ərzində məhv olmayıblar və hər bir şəraitdə yaşamağa öyrəşiblər. Hər cür hündürlüklərə dırmaşa bilmə, üzə bilmə, qəpik ölçüsündə dəliklərə girə bilmə və sürətlə qaçma bacarığı onları daha da qüvvətli edir. Bütün tarix ərzində sadə bir siçan tələsi düzəldən insan yüksək intellekti olan bu heyvanı qorxutmur.