Yevlax rayonunda 3 nəfərin ölümü, 3-nün yaralanması ilə nəticələnən ağır avtomobil qəzası baş verib. Rayon Polis Şöbəsindən APA-ya verilən məlumata görə hadisə bu gün saat 16:30 radələrində Xaldan-Mingəçevir yolunun 1-ci kilometrliyində qeydə alınıb. Yevlax rayonunun Yuxarı Bucaq kənd sakini, 1991-ci il təvəllüdlü Abdullayev Emil Bəxtiyar oğlu idarə etdiyi 66-BG-874 dövlət nömrə nişanlı “VAZ 2107” markalı minik maşını ilə qarşı tərəfdən gələn rayonun Havarlı kənd sakini, 1991-ci il təvəllüdlü Tağıyev Natiq İntiqam oğluna məxsus 10-EV-709 dövlət nömrə nişanlı “VAZ 2106” markalı maşınla toqquşub. Hadisə nəticəsində hər iki avtomobilin sürücüsü və hələ şəxsiyyəti müəyyən edilməyən 10-12 yaşlarında bir uşaq dünyasını dəyişib. Avtomobillərdə olan Mingəçevir və Yevlax sakinləri - 1991-ci il təvəllüdlü İsayev Yavər Yaqub oğlu, 1990-cı il təvəllüdlü Cəfərov Samir Nəriman oğlu və 1980-ci il təvəllüdlü Qarayev Ramil Allahverdi oğlu müxtəlif dərəcəli ağır bədən xəsarətləri ilə xəstəxanaya yerləşdirilib.
Gənclərin öz kəndlərində keçirilən “Son zəng” mərasimlərində yeyib-içdikləri və avtomobili yüksək sürətlə idarə etdikləri bildirilir.
Faktla bağlı Yevlax rayon Polis Şöbəsi tərəfindən cinayət işi açılıb, araşdırma aparılır.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.