Ey insanoğlu!
Bir düşün... Sən dünyaya günahkar olaraq gəlmədin. O halda Allahdan qorx və günahsız olaraq öl!
Yəni günahlarına tövbə et! Bir günahı işlədikdən sonda tövbəni gecikdirmək isə ayrı bir günahdır. Tövbənin şərtləri isə bunlardır:
İşlənən günahı anında tərk etmək
O günah üçün ürəkdən peşmanlıq duymaq
Və o günahı təkrar işləməməyə niyyət etmək
Əgər işlənən günah qul haqqı ilə əlaqəlidirsə və ya orucu namazı tərk etmək kimi qəzası olan bir günah isə, o halda tövbənin 4. bir şərti daha olar.Qul haqqına girmişsə o adamdan halallıq al, məsələn bir adamın malını oğurladısa onu ona qaytarar və halallıq alar, və bir adamın qəlbini qırdısa ondan üzr istəyər.Əgər namazı tərk etmişsə namazın qəzasını edər, və ya fərz olan orucu tərk etmişsə orucunu qəza edər.
Nə xoşbəxt o insana ki ölmədən əvvəl bütün günahlarından tövbə etmişsə.

Çünki Rəsulullah sallallahu əleyhi vəsəlləm tərcümə olaraq belə buyurdu: "Günahdan tövbə edən, günahı olmayan kimsə kimidir."
O halda ağıllı davranaq və bütün günahlarımıza bir an əvvəl tövbə edək ki, çətinlikləri çox şiddətli olan hesab gününə günahsız olaraq çataq... Ey müsəlman... unutma ki səninlə ölüm arasında yalnız bir an vardır. Bu anda torpağın üzərindəsən, elə bir an gələcəkki üzərinə getdiyin torpağın altına girəcəksən, və əməlinlə baş-başa qalacaqsan.