«Ey insanlar! Sizi və sizdən əvvəlki insanları yaradan Rəbbinizə ibadət edin ki, bəlkə təqvalı olasınız (özünüzü günahdan saxlayasınız.)» («Bəqərə» surəsi, ayə 21)

sizde yazdizki sorusum heeee ?

cox saqol artiq sentyabirin 20 si toydu INSAALLAH butun azad.azlilar ucun olsun AMIN

yoooo sadece sorusdum

thanks axirinci sozu niye dedinizki?

menim nisanlimdir onudaa azad.azli eledim arada gelecek

Allah Razi olsun!

İbadət, dinin əsası və İlahi məktəbin ayrılmaz hissəsidir. Dinin sütunu etiqad sahəsində tövhiddirsə, əxlaqi yüksəliş baxımından ibadətdir. İbadətsiz həqiqi din heç vaxt mövcud olmamışdır və bütün peyğəmbərlərin müştərək risaləti (peyğəmbərlik missiyası) məhz insanlar arasında bəndəlik ruhiyyəsini yaratmaq, bu ruhiyyəni genişləndirərək dərinləşdirmək və insanları Allahdan qeyrisinə ibadət etməkdən çəkindirmək olmuşdur.
«Biz hər ümmətə: «Allaha ibadət edin, tağutdan (batil qüdrətlərdən) çəkinin!» – deyə peyğəmbər göndərmişik» («Nəhl» surəsi, ayə 36).
İslam dinində də, Allahın əbdi (qulu) olmaq insan üçün ən yüksək izzət və iftixar hesab olunmuşdur və Qurani-Kərim də müstəqim (doğru) yolun, yalnız bu yol olduğunu vurğulayır:
«Mənə ibadət edin, bu, doğru yoldur!» («Yasin» surəsi, ayə 61)
Bu doğru yolda gedənlərin öndərlərindən olan İmam Əli (ə), Allah-Taala ilə munacatında belə deyir:«İlahi, mənim üçün bu izzət yetər ki, Sənin qulun olum və mənə bu iftixar bəsdir ki, Sən mənim Rəbbim olasan. Sən mənim istədiyim kimisən, elə et ki, mən də Sənin istədiyin kimi olum!»
Böyük müsəlman filosofu Hacı Molla Hadi Səbzəvari yazır: «Merac gecəsi Allah-Taala Peyğəmbərə(s) buyurdu: «Nə səadət istəyirsənsə, istə!» Peyğəmbər (s) dedi: «Məni Öz übudiyyətinə (bəndəliyinə) məxsus et!»
Bu zaman «İsra» surəsinin ilk ayəsi nazil oldu: «Bəzi ayələrimizi göstərmək üçün bəndəsini bir gecə Məscidul-Həramdan ətrafını bərəkətli etdiyimiz Məscidul-Əqsaya aparan (Allah) pak və müqəddəsdir. O, doğrudan da, eşidən və görəndir» («İsra» surəsi, ayə 1)
İbadətə meyl, ona duyulan ehtiyacdan doğur. Bu duyğu isə o zaman müyəssər olar ki, insan öz təkamül və xoşbəxtliyində ibadətin əsaslı və təyinedici rolunu başa düşsün, istedad və bacarığının bundan başqa heç bir yolla çiçəklənməyəcəyini və reallaşmayacağını bilsin.
İmam Sadiqdən (ə) bizə çatan bir hədisdə belə qeyd edilir.«Rəsuləllah (s) o qədər namaz qılırdı ki, ayaqları şişirdi. O deyirdi: «Mən şükr edən bəndə olmayımmı?» Onun məqsədi ümməti başa salmaq idi. Odur ki, istənilən halda ibadətdən, səydən və bu yolda əziyyət çəkməkdən qafil olma. Agah ol! Əgər Allaha ibadət etməyin şirinliyini dadsaydın, onun bərəkətlərini görsəydin və onun nurundan ziyalansaydın, hətta tikə-tikə doğransaydın da, ondan bir an belə, uzaqlaşmağa dözməzdin»
«Ey insanlar! Sizi və sizdən əvvəlki insanları yaradan Rəbbinizə ibadət edin ki, bəlkə təqvalı olasınız (özünüzü günahdan saxlayasınız.)» («Bəqərə» surəsi, ayə 21)

allah razi olsun

Allah qebul etsin