İsveçin paytaxtı Stokholmdakı məscidlərdən birində səsgücləndirici ilə minarədən azan oxunub. “Fittja” məscidində oxunan azan yerli sakinlər və mətbuat nümayəndələri tərəfindən böyük maraqla qarşılanıb. Qeyd edək ki, “Fittja” məscidində sadəcə cümə günləri azan oxunması üçün müraciət Botkyrka bələdiyyə məclisi tərəfindən müsbət qarşılanıb. Bundan sonra yerli polis bölməsi əməkdaşlarının məsciddə keçirdiyi texniki araşdırmadan sonra bələdiyyənin bu qərarı təsdiqlənib.
Bu səsə illərdir həsrət qaldıqlarını deyən “Fittja” məscidinin sədri İsmayıl Okur ölkə rəsmilərinə təşəkkürünü bildirib. “1973-cü ildən bəri Stokholmda yaşayıram. İlk dəfə bu qədər xöşbəxt və həyəcanlıyam. Bu səsə həsrət qalmışdıq. Botkyrka bələdiyyə məclisi üzvlərinə və polis əməkdaşlarına təşəkkürümü bildirirəm”.
Bunun yoxlama məqsədli olduğunu deyən İsmayıl Okur gələn həftə Türkiyədən gələcək gözəl səsli bir müəzzinlə (azan oxuyan) daha gözəl açılış olacağını deyib.
Qeyd edək ki, minarədən səsgücləndirici ilə azan oxunacağını eşidən bir çox yerli mətbuat nümayəndəsi məscidin həyətində bu anı gözləyib, bəzi telekanallar isə azanın verilməsini birbaşa yayımlayıb.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.