Ramazan ayında oruc tutan xanımların makiyaj etməsi günah sayılırmı sualı yəqin çox xanımları düşündürür. Dini ekspertlərə istinadən xəbər verir ki, Ramazan ayının digər aylardan fərqli olan xüsusiyyətləri var.
Onların fikrincə, Ramazan ayında qadınlar normadan artıq makiyaj edərsə və ya açıq-saçıq geyinərsə, bu hal yaxşı hesab olunmaz.
Ancaq kosmetik vasitədən norma daxilində istifadə etmək, oruc tutan qadına yasaq deyil. Əgər boğazdan içəri yad cisim getməzsə, kosmetikadan istifadə etmək orucun batil olmasına səbəb olmaz.
Eyni zamanda ətriyyatlardan istifadə etmək, xoş ətir iyləmək orucun pozulmasına gətirib çıxarmaz.
Ancaq Ramazan ayında oruc tutan qadın ətrafdakılarda şəhvət hissi yaradan hərəkətlərə yol verərsə, bu, düzgün hesab edilməz.
Dini mütəxəssislər Ramazan ayında geyimdə ciddiliyə riayət etməyi də tövsiyə edirlər.
Oruc tutan müsəlmanlar orucun ruhuna tərs gələn hər bir şeydən özünü qorumalıdır.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.