Peyğəmbərimiz (sav) zəkat barəsində belə buyurmuşdur: «İslam bu beş prinsip üzərində bina edilmişdir:

1) Allahdan başqa ibadətə layiq tanrı olmadığına, Muhəmmədin (sav) onun elçisi və qulu olduğuna şəhadət gətirmək;

2) Fərz olan namazları qılmaq;

3) Zəkat vermək;

4) Həcc ibadətini yerinə yetirmək;

5) Ramazan ayını oruc tutmaq. («Səhih əl-Buxari», cild.1, Kitab 2, N.7).

Zəkat verməsəm olar?

Allah imkanı olmaqla birlikdə zəkat verməkdən boyun qaçıran müsəlmanları qınayaraq belə xəbərdarlıq etmişdir: “Ey iman gətirənlər! (Yəhudi) alimlərindən və (xaçpərəst) rahiblərindən çoxu insanların mallarını haqsızlıqla yeyir və (onları) Allah yolundan döndərirlər. Qızıl-gümüş yığıb onu Allah yolunda xərcləməyənləri şiddətli bir əzabla müjdələ! O gün yığdıqları qızıl-gümüş cəhənnəm atəşində qızdırılıb alınlarına, böyürlərinə və kürəklərinə dağ basılacaq (və onlara): "Bu sizin özünüz üçün yığıb saxladığınız mallardır. Yığdığınız mal-dövlətin (əzabını, acısını) dadın!" (-deyiləcəkdir!)» (“Tövbə” surəsi, 34-35).

Peyğəmbərimiz (sav) zəkat barəsində belə buyurmuşdur: «Allah imkanlı müsəlmanlara mallarından müsəlmanlar arasında möhtac olanlara verilmələri barəsində öhtəlik qoymuşdur. Zəngin olanlar öz öhdəliklərini yerinə yetirsələr, heç bir yoxsul aclıqdan və ya geyim yetərsizliyindən əziyyət çəkməz. Əgər zəngin müsəlmanlar öz öhdəliklərini yerinə yetriməkdən boyun qaçırsalar, Allah onları bundan məsul tutacaq və şiddətli bir şəkildə cazalandıracaqdır” (Təbərani, «əl-Əsvat və əs-Sağır).

Zəkat verməyin bu dünya və axirət üçün nə faydası var?

Allah bizi xeyriyyəçiliyə belə təşviq edir: “Sevdiyiniz şeylərdən (Allah yolunda) xərcləməyincə xeyrə nail olmayacaqsınız. Sizin nə xərclədiyinizi, şübhəsiz ki, Allah bilir” (“Ali imran” surəsi, 92).

“Şübhəsiz ki, sədəqə verən kişi və sədəqə verən qadınlar və Allaha gözəl borc verənlər üçün (savab) qat-qat artırılacaqdır. Onlar üçün çox dəyərli bir mükafat da vardır» (“Hədid” suərsi, 18).