İki gündən sonra müqəddəs Ramazan ayı başlayır. Bu il müsəlmanların oruc tutduğu 11 ayın sultanı ilin ən isti dövrünə təsadüf edir ki, bu da insanın ac qalma müddətinin artmasıdır.
Türk diyetoloq Elif Karacanoğlu yayda oruc tutmaqla sağlamlığa ziyan vurmamağın yollarını təqdim edir.
Oruc tutanlarla bağlı ən təhlükəli vəziyyət imsaqsız oruc tutmaqdır. Oruc tutmaq və uzunmüddətli aclığa, susuzluğa dözüm gətirmək üçün səhər yemək çox vacibdir. Çünki uzun müddətli aclıq qan şəkərini sala, qaraciyərə və mədəyə böyük ziyan vura bilər. Bu həm də şəkər və təziqə də səbəb ola bilər.
Ən böyük səhvlərdən biri də orucu arıqlamaq vasitəsi kimi görməkdir. Bəziləri düşünürlər ki, gün ərzində ancaq bir dəfə yeməklə həm İslamın vəzifələrindən birini yerinə yetirə, həm də arıqlaya bilərlər. Ancaq gündə bir dəfə - iftar zamanı yemək kilo itirməkdən daha çox kökəlməyə yol aça bilər. Belə ki, iftarda yeməyin həcmi artır, mədənin ölçüsü böyüyür və insan kökəlməyə başlayır. Nəticədə çəkidə 2-5 kq artım olur. Bunun üçün də imsaqda mütləq yemək lazımdır.
Ramazan vaxtı da çalışın sağlam qidalanın. Yeməyi asta-asta, çeynəyərək yeyin. İftarda orucu açıb ilk olaraq sulu qida qəbul edin. Yedikdən sonra bir müddət fasilə verin. 10-15 dəqiqədən sonra əsas yeməyə keçin. Şirniyyatdan öncə isə bir müddət gəzintiyə çıxın.
Çalışın müqəddəs ayda daha yaxşı qidalanın. Çünki kalorisiz, qeyri-sağlam qida əzələ kütləsinin azalması ilə nəticələnə bilər.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.