Hal hazırki zamanda hər hansı bir hadisənin baş verəcəyini, onun qabaqcadan meydana çıxan əlamətləri vasitəsilə anlamaq olar. Dünyanı heyrətə gətirəcək ən mühüm hadisələrdən biri də İmam (əc)ın zühurudur. Bunun da bir çox özünə məxsus əlamətləri var. Həmin əlamətləri İmamlarımız (ə) qabaqcadan bəyan etmiş və bununla da şiələrin ruhiyyələrini yüksəltmək, düşmənlərin isə ürəyinə qorxu və ümidsizlik yaratmışlar .Aşağıdakı əlamətləri söyləməklə biz O İmamı(əc) gölzləyənlərə, onun aşiqlərinə zühurun çox yaxın olmasını müjdə veririk.
-Ayətullah Behcəti ağanın zühur müjdəsi: İndiyə qədər yalnız cavanlara müjdə verirdiniz ki, Mövlanızın (ə) zühurunu görəcəksiniz, hal hazırda isə (zühur o qədər yaxınlaşıb ki,) qocalara da bu müjdəni verin.
-Zühur astanasında Xorasanlı seyyid: Bəni Haşim nəslindən olan igid bir seyyid Xorasan şəhərindən, qara bayraqlar altında qiyama başlayacaq. Onun sağ əlində bir nişan var. Onun köməkçilərindən birinin adı Şüeyb ibn Saleh olacaq. Şüeyb, Sifyaninin başçılığı ilə yaranmış qiyamı yatıracaq. Xorasanlı seyyidin qiyamı zühurdan bir neçə ay qabaq rəcəb ayında və Suriyadakı Sifyaninin qiyamı ilə bir vaxta təsadüf üdəcək. Seyyidin qiyamı İraq və Beytül müqəddəsə tərəf davam edəcək.
-Abdullah adlı Ərəbstan hakimi: Zühurun digər əlamətlərindən biri də zilhiccə ayında Ərəbstanın Abdullah adlı hakiminin qətlidir. İmam Sadiq (ə) buyurub: Kim Abdullahın öldüyünü mənə zəmanət versə, mən ona Qaimin(ə) zühur etməsini zəmanət verirəm. Başqa hədisdə İmam Sadiq (ə) buyurub: Müsəlmanlar Ərəfatda olan vaxt sürətlə gedən dəvəyə minmiş bir şəxs ora daxil olub xəlifənin ölümünü onlara xəbər verəcək. Onun ölümü ilə eyni zamanda İmam(əc) zühur edəcək və bununla da müsəlmanların vəziyyəti yaxşılaşacaq.
-Sifyani çevriliş astanasında: İmam Baqir (ə) buyurub: Həzrət Qaim (ə) və sifyani bir ildə qiyam edəcək. Zühurun ən dəqiq əlamətələrindən biri Sifyanin Xorasanlı seyyidlə bir zamanda qiyam etməsidir. Sifyani bir neçə qonşu ölkəni zəbt edəndən sonra İmam Zəman (əc)ı ələ keçirmək üçün Məkkəyə bir qoşun göndərəcək. Bu qoşun Mədinə ilə Məkkə arasında yerə qərq olacaq... Bir neçə alim Sifyani adlı bir şəxslə görüşüb və hədisdə qeyd olunmuş əlamətlərin bir neçəsinin onda olmasını görüblər. Baş verən hadisələr (Fələstin və İraq müharibələri) Sifyaninin çevrilişinin yaxın olmasını deməyə əsas verir.
-Zülm və fəsadın yayılması: Zühurun digər əlamətlərindən biri də fəsad və zülmün yayılması, əxlaqi dəyərlərin unudulması, zina, iqtisadi fəsadlar, riba, rüşvət və s. Bütün dünyada zalım hakimlərin insanlara zülm etməsinin şahidi oluruq. Peyk antenalarının vasitəsilə nümayiş olunan əxlaqsız filmlər, internet saytları və s.cavanları öz təsiri altına alır.
İndi ALLAH təalanın dərgahında əl açıb dua etmək vaxtıdır. Əhd duasında deyildiyi kimi: Pərvərdigara, Sən Özün buyurmusan və Sənin sözün haqdır ki, insanların əməlləri zülm və fəsadın hər yerə yayılmasına səbəb olacaq. Ya Rəbb, bizə sonuncu Peyğəmbər (s)in nəvəsini, Məhdi (əc)i aşkar elə.
-Məhərrəm ayının novruz bayramına təsadüf etməsi: Mötəbər hədislərə əsasən zühur hicri qəməri tarixi ilə Məhərrəm ayında-Aşura günü, baş verəcək. İmam Sadiq (ə) buyurub: Hər bir novruzda biz Əhli beyt (ə), Məhdi (əc)in zühurunu gözləyirik. Hədislərə əsasən görürük ki, zühur, novruz günü ilə məhərrəm ayının bir-birinə təsadüf etdiyi illərdə baş verəcək.
-Bəlalar və çətinliklərin çoxalması: digər əlamət bəlaların, çətinliklərin, fitnələrin çoxalmasıdır. İmam Baqir (ə) buyurub: Məhdi (əc) o vaxt zühur edəcək ki, zəlzələlər, qorxulu hadisələr, fitnələr və bəlalar insanlara üz verəcək. Rəsuli Əkrəm (s) buyurub: Zühur vaxtı zəlzələlər çoxalar .Belə bir vaxtda çoxlu yağışlar yağar, amma bərəkət az olar. İmam Baqir (ə) buyurub: İnsanların arasında böyük ixtilafların baş veridiyi və güclü zəlzələlərin artdığı bir zamanda Məhdi (əc)in qiyamını sizə müjdə verirəm. Bir çox yerlərdə müsəlmanların sionistlər və zalım dövlətlər tərəfindən zülmə məruz qalması, müharibələr və təbii fəlakətlərin artması hamıya məlumdur.
-İraqda baş verəcək dəyişikliklər: Rəvayətlərə əsasən İraqda, zühur vaxtı böyük dəyişikliklər və qiyamlar baş verəcək. İraqın zalım hakimi Şiysbani zühura az bir vaxt qalmış bu məkanda müharibəni başlayacaq. Sifyani İraqı fəth etdikdən sonra Xorasanlı seyyid İraqa tərəf hərəkət edəcək.Məhdi (əc) Məkkədə qiyam etdikdən sonra İraqa tərəf irəliləyib qələbə çalacaq və daha sonra öz hökümətinin mərkəzini Küfədə qərar verəcək.
Həzərti Əli (ə) buyurub: Zühur vaxtı İraqı fəth edəcəklər, qalaları dağıdacaqlar və hər bir ixtilafı qan tökməklə həll edəcəklər. Belə bir vaxtda Məhdi (əc)in zühurunu gözləyin. (Bəşərül islam.s74)
Məhdi (əc)ın şeyx Müfidə məktubu: İslamdan kənar qruplar İraqa hücum edəcək və onu iqtisadi blokdaya salacaqlar. Sonra zalım hakimiyyətin aradan getməyi ilə bu faciə sona çatacaq. (Bihar.s185)
Yuxarıda qeyd olunan əlamətlərə diqqət yetirdikdə şübhələr bir andaca yəqinə çevrilir. Əlimizdə olan bu əlamət və nişanələr göstərir ki, yaxın bir vaxtda vəd olunmuş Məhdi (əc)zühur edəcək. Məhdi (əc)in yolunu gözləyənlər bu məslədə ciddi olmalı, Zəhra (əs)in ciyərparəsi olan Məhdi (əc)in həqiqi köməkçilərindən olmalıdırlar. İnşALLAH, ALLAH təala bizi Məhdi (əc)in köməkçilərindən qərar verər.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
- Şaban – Ramazandan sonra ən fəzilətli ay
- Bu gün Aşura günüdür
- Məhərrəm ayı başladı
- Dost və dostluq haqqında hədislər
- Mühərrəm ayının ilk gününün müstəhəb əməlləri
Forumda son mövzu | Baxış | Cavab | Müəllif | Sonuncu |
İzləyicilər | (0): |
Ziyarətçilər | (36): |
Botlar | (3): |
Hal-hazırda saytda: 39 |