Futbol üzrə UEFA Çempionlar Liqasının qrup mərhələsinin 3-cü turuna yekun vurulub. İkinci oyun günündə də 8 qarşılaşma baş tutub.
A qrupunda“Mançester Yunayted" "Real Sosyedad"ı qəbul edib. İngiltərə nəhəngi minimal hesablı qələbəyə sevinib. “Şaxtyor” isə "Bayer"in qonağı olub. Ukrayna klubu darmadağına üzülüb.
B qrupunda ilk iki matçda qələbə qazanmış “Real" "Yuventus"u qonaq edib. Qarşılaşma meydan sahiblərinin çətin qələbəsiylə başa çatıb. Ölkəmizdə böyük azarkeş kütləsinə sahib olan "Qalatasaray" isə “Türk Telekom Arena”da “Kopenhagen” üzərində inamlı qələbə qazanıb.
C qrupunda 6 xalla lidlerlik kürsüsündə əyləşmiş PSJ “Anderlext”in qonağı olub. İbrahimoviçin pokerə imza atdığı qarşılaşmada qonaqlar 5 cavabsız qolla qalib gəliblər. Aktivində 3 xal olan "Benfika" və "Olimpiakos" isə Portuqaliyada üz-üzə gəlib. Bu görüş sülhlə bitib.
D qrupunda yer alan Çempionlar Liqasının son qalibi "Bavariya" evdə “Viktoriya”nın daşını daş üstə qoymayıb. “Mançester Siti” isə Moskvada ÇSKA üzərində qələbəyə sevinib.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.