Azərbaycan şahmatçısı Avropa çempionu olub

Monteneqronun Budva şəhərində gənclər arasında şahmatın blits və rapid (sürətli) növləri üzrə Avropa çempionatı keçirilib. Çempionatda 10 yaşlı uşaqlar arasında Azərbaycanı şahmatçı Gövhər Beydullayeva təmsil edib. Çempionatda rapid növü üzrə yarışlar başa çatıb. Şahmatçımız son turda Rebekka Olleni (Macarıstan) məğlub edərək hesabına 9-cu xalı yazdırıb. Bununla da idmançımız yaşıdları arasında rapid növü üzrə turnirdə birinci olub.

Qeyd edək ki, G.Beydullayeva blits növü üzrə yarışlarda ikinci yeri tutub.
 Sentyabrın 29-da şahmatın klassik növü üzrə yarışlara başlanılacaq.

"Karyeramı "Barselona"da başa vuracam"

"Barselona"nın futbolçusu Andres İnyesta, futbolçu koryerasını katalon klubunda başa vurmağı planlaşdırır. Son günlər həm İspaniya mətbuatında, həm də dünyanın bir sıra KİV-lərində ulduz futbolçunun "Barselona" ilə hazırkı müqaviləsinin müddətini uzatmaq istəməməsini, onun "Barselona"dan gedişi kimi qələmə verməyə başlayıblar. A.İnyesta isə, bütün bunları təkzib edərək "Barselona"dan heç yana getmək istəmədiyini elan edib: "Barselona" ilə aramda heç bir problem yoxdur. Klub qalmağımı istəyir. Mən də futbolçu karyeramı burada başa vurmaq niyyətindəyəm. Razılığa gəlməyə çalışırıq". A.İnyesta həmçinin bildirib ki, ilk təklifi rədd etməsinin səbəbi maddiyyatla bağlı deyil: "Bunun pulla və ya mənim klubda ən çox qazanan ikinci, üçüncü, dördüncü futbolçu olmağımla bir əlaqəsi yoxdur".

“Fənərbaxça”dan kimlər gedəcək?

“Fənərbaxça” klubu artıq qış transfer pəncərəsi dövründə göndərəcəyi futbolçuların kimliyini müəyyənləşdirib.
 Bunlar Jozef Yobo və Kristiyan Baroni olacaq. Bu mövsüm özlərini heç cür göstərə bilməyən futbolçular özləri də gecəcəklərini bilirlər. “Fənər” bu iki futbolçu ilə yayda vidalaşmaq istəyirdi lakin müəyyən səbəblərə görə gedişat təxira salınıb.

Messi məhkəməyə çıxır

Argentina millisi və "Barselona" klubunun hücumçusu Lionel Messi atası Xorxe ilə birgə bu gün İspaniya məhkəməsində hakim qarşısına çıxacaq. Məhkəmə zamanı Messi ailəsi 2007-2011-ci illərdə vergidən yayındığı üçün özünü müdafiə edəcək.
Qeyd edək ki, ulduz futbolçu buna qədər 2007-2009-cu illərə görə 5 milyon avro, 2009-2011-ci illərdə vergidən yayındığı üçün isə 10 milyon avro cərimə ödəyib.