"Barselona"nın futbolçusu Neymar yeni mövsümə hazırlıqlar zamanı xəstəliyə tutulub.
Qol.Az-ın klubun saytına istinadən verdiyi məlumata görə, braziliyalı hücumçunun anemiya (qan azlığı) xəstəsi olduğu bildirilib. Ancaq bu xəstəliyin oyunçunun məşqlərə çıxmasına və komanda ilə çalışmasına bir problem yaratmadığı qeyd edilir. Neymarın yeni mövsüm öncəsi komanda ilə birgə Asiya turuna gedəcəyi açıqlanıb.
Qeyd edək ki, bundan əvvəl Neymar boğazında problem olduğu üçün əməliyyat olunmuşdu.
"Barselona" "Çelsi"nin futbolçusu David Luis üçün yeni təklif göndərməyə hazırlaşır.
Qol.Az-ın "Daily mail" qəzetinə istinadən verdiyi məlumata görə, ilk 40 milyon avroluq təklifin rədd edilməsindən sonra Kataloniya klubu "Çelsi"yə 50 çilyon avro təklif edəcək.
"Barsa"nın idman direktoru Andoni Zubizarettanın da təsdiqlədiyi bu transferin baş tutub-tutmayacağı maraqla gözlənilir.
Kataloniya klubunun Luisi komandaya gətirməyəcəyi təqdirdə "Tottenhem"dən Yan Vertenghon və ya "Liverpul"dan Daniel Aqqerdən birini transfer edəcəyi iddia edilir.
Transfer rekordları qıran "Real" (Madrid) klubu daha bir ilkə imza atmağa hazırlaşır.
Qol.Az-ın İspaniya mətbuatına istinadən verdiyi məlumata görə, hücumçusu Kriştiano Ronaldonun uzun müddət komandada qalmasını istəyən klub onunla müqaviləni yeniləmək üçün futbolçuya rekord məbləğ təklif edəcək.
Belə ki, hazırda vergilərdə daxil olmaqla illik 15 milyon 500 min avro qazanan Ronaldonun maaşının Madrid klubu ikiqat artıracaq.
"Real" futbolçuya 31 milyon avro təklif edəcək.
Bu isə oyunçunun vergiləri çıxmaq şərti ilə 24 milyon avro qazanacağı deməkdir. Bu təklif reallaşacağı təqdirdə Ronaldo dünyanın ən çox qazanan futbolçusu olacaq.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.