Neymar: "Messi ilə birgə tarix yazacağıq"
"Barselona" klubunun ulduz futbolçusu Neymar yenidən komanda yoldaşı Lionel Messi haqda danışıb.
Qol.Az-ın məlumatına görə, braziliyalı futbolçu Messi ilə birgə tarix yazacaqlarına inandığını bildirib:

 
"Ümid edirəm ki, Messi ilə birgə tarix yazacağıq. Bunun üçün bizdə potensial var. Dünyanın ən yaxşı futbolçusu ilə birgə oynamaq mənim üçün böyük şərəfdir. Avropa klubunu seçməyimdə də Messinin böyük rolu oldu".

"Mançester Yunayted"in Fabreqas israrı davam edir 
"Mançester Yunayted" klubu "Barselona"nın yarımmüdafiəçisi Sesk Fabreqası transfer etməkdə israrlıdır.

Qol.Az-ın məlumatına görə, Mançester təmsilçisi ispaniyalı futbolçu üçün yenidən Kataloniya klubuna müraciət edib.

Belə ki, "Mançester Yunated" Fabreqasın transferi üçün 30 milyon funt-sterlinqindən keçməyə hazırdır. Tito Vilanovanın istefasından sonra 26 yaşlı futbolçunun da "Barselona"dan ayrılacağı istisna olunmur. Lakin hələlik futbolçu "Mançester Yunayted"in təklifinə heç bir münasibət bildirməyib.

Qeyd edək ki, Fabreqasla sabiq komandası "Arsenal" klubu da yaxından maraqlanır.
 

"Yuventus"un yeni avtobusu göz qamaşdırdı (VİDEO)
İtaliyanın "Yuventus" klubu yeni avtobusunu təqdim edib. Qol.Az-ın məlumatına görə, 14 metr uzunluğunda olan avtobus əsasən gözqamaşdıran xarici görünüşü və komfortu ilə diqqət çəkib.