"Real" ulduzunu itirə bilər
Məsut Özil "Bavariya"ya keçə bilər
Ötən mövsüm Bundesliqanın qalibi olan və Çempionlar Liqası Kubokunu muzeyinə aparan Münhenin "Bavariya" klubu heyətini daha da gücləndirmək əzmindədir.
Komandanın sükanı arxasına gətirilən Xosep Qvardiola "Real"ın türk əsilli futbolçusu Məsut Özilin transferini istəyib. Baş məşqçi "Borussiya" (Dortmund) klubunun lideri Mario Götzenin transfer edilməsindən sonra Məsut Özili də sərəncamında görmək istəyir.
Qeyd edək ki, "Bavariya" ötən gün "Barselona" klubunun futbolçusu Tiaqo Alkantranı da heyətihnə qatıb
"Liverpul" kapitanı ilə müqavilə yeniləyir
"Liverpul" klubunun kapitanı Stiven Cerrard komandası ilə müqaviləsini uzadacaq.
Qol.Az-ın məlumatına görə, Liverpul təmsilçisi ingilis futbolçunu 2015-ci ilə qədər komandada saxlamağı planlaşdırır.
Bununla da, "Liverpul"un simvolu sayılan Cerrard karyerasını doğma komandasında başa vuracaq. 14 mövsümdür "Liverpul"un şərəfini qoruyan 33 futbolçu karyerasını tək bir kluba həsr etmək istəyir.
Qeyd edək ki, Cerrardın karyerasını başa vurduqdan sonra da "Liverpul"da qalıb, hər hansı bir vəzifədə işləyəcəyi iddia olunur.
"Barselona"nın futbolçusu rəsmən "Bavariya"da
"Barselona"nın oyunçusu Tiaqo Alkantara yeni mövsümdən Almaniya Bundesliqasında forma geyəcək.
Qol.Az-ın xəbərinə görə, ispan yarımmüdafiəçi "Bavariya"ya transfer olunub. Klubun rəsmi saytından verilən açıqlamada Alkantara ilə dörd illik müqavilə imzalandığı bildirilib. Bu transfer üçün Münhen təmsilçisi Kataloniya klubuna 25 milyon avro ödəyəcək.
Qeyd edək ki, Alkantara keçmiş baş məşqçisi Qvardiolanın istəyi ilə "Bavariya"ya transfer olunub.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.