Çempionlar Liqasında (ÇL) yarımfinal mərhələsinə yekun vurulub. Ötən gün Dortmund “Borussiya”nın finala yüksəlməsindən sonra digər komandanın adına İspaniyanın “Nou Kamp” stadionunda aydınlıq gəlib. Burada “Barselona” “Bavariya” ilə qarşılaşıb. İlk matçda Münhen klubuna biabırçı hesabla (0:4) uduzan Kataloniya təmsilçisi öz meydanında da məğlub olub. Belə ki, münhenlilər ikinci hissədə meydan sahiblərini düz 3 dəfə mərkəzdən başlamağa məcbur edib.
Qeyd edək ki, əvvəlcə matçın 48-ci dəqiqəsində Tito Vilanovanın komandasını hollandiyalı futbolçu Aryen Robben cəzalandırıb. 72-ci dəqiqədə isə Xerard Pike avtoqola imza atıb. “Barselona” qolun şokunda ayılmamış 4 dəqiqə sonra növbəti topu qapısından çıxarıb - 0:3.
Beləliklə, mayın 25-də “Uembli”də baş tutacaq həlledici qarşılaşmada iki alman komandası görüşəcək.
1 may
“BARSELONA” (İSPANİYA) – “BAVARİYA” (ALMANİYA) - 0:3
QOLLAR: Aryen Robben, 48, Xerard Pike, 72-avtoqol, Tomas Müller, 76
İspaniya. “Nou Kamp” stadionu
Baş hakim: Damir Skomina (Sloveniya)
İlk oyun – 0:4
VİDEONU BURADAN İZLƏYİN
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.
İnformasiya
