Joze Mourinyo "Real" ilə yollarını ayıracaq

Madridin "Real" klubunun baş məşqçisi Joze Mourinyo gələn mövsüm çalışdırdığı komanda ilə yollarını ayıracaq. Bu barədə Manuel Alvarez mətbuata açıqlamasında bildirib. O, Joze Mourinyonun hansı komandanın mütəxəsisi olacağı haqqında məlumat verməyib.

 Qeyd edək ki, Manuel Alvarez Joze Mourinyonun oğlunun məşqçisidir.

* * * 

"Real" ən bahalı futbol klubudur

"Forbes" biznes dərgisi dünyanın ən qiymətli futbol klublarının illik reytinqini açıqlayıb.

İspaniyanın "Real" (Madrid) komandası reytinqə başçılıq edir.

İngiltərənin "Mançester Yunayted" klubu ikinci yerdə qərarlaşıb. Ekspertlərin hesablamalarına görə, "Real" 3,3 milyard dollar dəyərində qiymətləndirilir. "Mançester Yunayted"in qiyməti isə 3,17 milyard dollara bərabərdir.

Siyahının üçüncüsü olan İspaniyanın "Barselona" komandası 2,6 milyard dollar məbləğində qiymətləndirilir. Reytinq tərtib edilərkən kommersiya fəaliyyətinin əsas istiqamətlərindən əldə edilən gəlirlər, marketinq cəlbediciliyi və örtülü bazar potensialı kimi göstəricilər nəzərə alınır.

Reytinqin sonrakı pillələrində müvafiq olaraq, "Arsenal" (İngiltərə), "Bavariya" (Almaniya), "Çelsi" (İngiltərə), "Yuventus" (İtaliya), "Mançester Siti" (İngiltərə) və "Liverpul" (İngiltərə) qərarlaşıb.

  * * * 

Azarkeşlər Ronaldo ilə 'məzələndi' - VİDEO

İspaniya çempionatında "Real Madrid"in "Athletic Bilbao" ilə qarşılaşması zamanı, bütün oyun əzrində Bilbao azarkeşləri Kristiano Ronaldonun gözünə lazer tutublar.

Ronaldo, ancaq Kərim Benzemanın arxasına gizlənərək, bundan xilas ola bilib.