“Golden Foot” (“Qızıl ayaq”) mükafatına namizədlərin siyahısı müəyyənləşib.
Münsiflər heyətinin tərtib etdiyi siyahıya 10 futbolçu daxil edilib. Bu siyahıya daxil olanlar İker Kasilyas, Andres İnyesta (hər ikisi İspaniya), Didye Droqba (Fil Dişi Sahili), Samuel Etoo (Kamerun), Miroslav Kloze (Almaniya), David Trezeqe (Fransa), Kristiano Ronaldo (Portuqaliya), Andrea Pirlo (İtaliya) və ingiltərəlilər Frenk Lempardla Devid Bekhemdir.
Qeyd edək ki, “Golden Foot” 2003-cü ildən etibarən yaşı 28-dən az olmayan, futbolun inkişafında özünəməxsus pay sahibi olan və karyerasında nəzərlərdən yayınmayacaq uğurlar qazanan futbolçulara verilir.
Mükafata əvvəllər Roberto Bacco (2003), Pavel Nedved (2004), Andrey Şevçenko (2005), Ronaldo (2006), Alessandro del Pyero (2007), Roberto Karlos (2008), Ronaldinyo (2009), Françesko Totti (2010), Rayan Giqqz (2011) və Zlatan İbrahimoviç (İsveç) layiq görülüblər.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.