Aleksis Sançes gedir
"Barselona" Aleksis Sançesi "Yuventus"a satacaq
İtaliyanın "Yuventus" klubu İspaniya La Liqasından daha bir futbolçu transfer etmək niyətindədir.
"Yuventus" gələn mövsüm üçün "Barselona"nın hücumçusu Aleksis Sançesi transfer etmək istəyir.
"Qoca sineyora"nın rəhbərləyi çilili futbolçu üçün artıq "Barselona" rəhbərliyi ilə danışıqlara da başlayıb.
İtalyanlar bu transferin baş tutması üçün Kataloniya klubuna 27 milyon avro təzminat ödəməyə hazırlaşır. "Yuventus"un heyətində çıxış edən çilili futbolçu Arturo Vidal da, öz həmyerlisini bu transferin baş tutması üçün razı salmağa çalışır.
Qeyd edək ki, daha öncə A seriyasında A.Sançes "Udineze"nin heyətində 95 matçda forma geyinib və rəqib qapılarına 20 qol vurub.
2011-ci ildən "Barselona"ya transfer olunan çilili futbolçu hazırkı komandasının heyətində 70 matçda forma geyinib və rəqib qapılarından 19 qol keçirib.
Ronaldo: “Karyeramı bitirdikdən sonra...”
Madrid “Real”ının hücumçusu Kriştiano Ronaldo haqqındakı tənqidlərə münasibət bildirib.
Qol.Az-ın İspaniya mətbuatına istinadən verdiyi məlumata görə, o, bu cür halları normal qəbul etdiyini söyləyib: “Real” dünyanın ən güclü klublarından biridir. Buna görə də insanlar bizdən daha yaxşısını gözləyirlər. Tənqidlər futbolun bir parçasıdır”.
Çempionlar Liqası 1/8 final mərhələsinin “Mançester Yunayted”lə cavab oyun ərəfəsi keçmiş baş məşqçisi ALeks Fergüsson haqqında danışan portuqaliyalı futbolçu deyib: “Fergüssona minnətdaram. O, çox yaxşı bir məşqçi olmaqla yanaşı, həm də gözəl bir insandır”.
Ronaldo həmçinin futbolçu karyerasını bitirdikdən sonra da futbol dünyasında qalmaq istədiyini.
Runi: "Messi olmasa..."
"Mançester Yunayted" klubunun hücumçusu Ueyn Runi Lionel Messi haqqında açıqlama verib.
Runi keçmiş komanda yoldaşı Kriştiano Ronaldonun Messi ilə eyni dövrdə futbol oynamasını şanssızlıq adlandıb: "Hər ikisi ayrı-ayrı tipli oyunçulardır.Amma məncə, Messi daha möhtəşəmdir. O, futbol tarixində ən yaxşı futbolçudur. Ronaldo isə onunla eyni dövrdə oynadığı üçün şanssızdır. Messi olmasa bütün mükafatları Ronaldo alardı".
"Milan" "İnter"lə derbinin favoritidir
İtaliyanın “İnter” klubunun prezidenti Massimo Moratti sabah baş tutacaq Milan derbisinin favoritni açıqlayıb.
Klubun prezidenti İtaliya A seriyasının 26-cı turunda “San-Siro” stadionunda keçiləcək “İnter”-“Milan” qarşılaşmasının favoritinin “Milan” olduğunu bildirib.
İtalyan mətbu orqanlarının birinə müsahibə verən M.Moratti, “Milan” “Barselona”nı məğlub edibsə, "İnter"i də asanlıqla məğlub edə biləcəyini bildirib: “Şübhəsiz ki, derbinin favoriti “Milan” klubudur. Əslində, mən belə düşünürəm, sözlərimdə heç də istehza yoxdur. Onlar “Barselona”ya qalib gəldilər. Deməli, "İnter"i də asanlıqla məğlub edə bilərlər. Lakin bu, o demək deyil ki, oyun mütləq onların xeyrinə başa çatacaq. Milan derbisi hər iki klub və azarkeşlər üçün çox əhəmiyyətlidir”.
Qeyd edək ki, İnter”-“Milan” oyunu sabah Bakı vaxtı ilə saat 01:45-də başlayacaq.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.