"Real" Kaka ilə yollarını ayırır

 Madridin “Real” klubu Braziliya yığmasının yarımmüdafiəçisi Kaka ilə müqaviləsini ləğv etmək niyyətindədir. “Kral klubu” büdcəyə qənaət etmək məqsədilə 30 yaşlı braziliyalı ilə müqaviləyə xitam verməyə qərar verib. 

ANS PRESS-in məlumatına görə, Kakanın illik məvacibi 12 mln avro təşkil edib və bundan başqa klub ona görə təxminən 3 milyon avro dəyərində vergi ödəyir.
Əgər Kaka yanvar transfer pəncərəsinin yekunlaşacağı vaxta kimi yeni klub tapsa, "Real" onu buraxacaq.
Qeyd edək ki, Kaka 2009-cu ildən İtaliyanın “Milan” klubundan “Kral klub”una ən uğursuz transferlərdən sayılır. O, sonuncu İspaniyanın birinciliyində çıxış edərək 7 oyun keçirsə də, heç bir nəticə göstərməyib. 

Messi Ronaldoya sms göndərdi (VİDEO) 

Lionel Messi və Kriştiano Ronaldo promo videoçarxda çəkiliblər. ANS PRESS-in Rusiya mətbuatına istinadən verdiyi məlumata görə, bu reklam çarxı martın 2-də keçiriləcək "El Klassiko"ya həsr olunub. 
Videoda Ronaldo və Messi arasında telefonda bu yazışma gedir: 
Messi: Səbirsizliklə derbini gözləyirəm.
Ronaldo: Mən də. Sənə qarşı oyunlarda qol vurmağı sevirəm:)
Messi: Ha-ha. Həmin vaxta qədər yeni rekordlar vuracağam:) 
Ronaldo: Ha-ha-ha... LOL! 
Messi: Martda görüşərik.
Ronaldo: Səbirsizliklə gözləyirəm:)

“Qalatasaray”ın oyununda maraqlı hadisə (VİDEO) 

Türkiyənin “Qalatasaray” klubunun Almaniyanın “Rot-Vayss Alen” komandası ilə yoldaşlıq oyunu zamanı maraqlı hadisə baş verib. Meydana iki it girib və futbolçularla oynamağa başlayıb. Oyun müvəqqəti dayandırılıb və stadionun mühafizə xidmətinin əməkdaşları itləri meydandan çıxarıblar.