Qol.az

“Neftçi” “Rubin”lə matç ərəfəsində problemlə üzləşdi (VİDEO)

Bu gün Bakının “Neftçi” klubu Avroliqanın qrup mərhələsi çərçivəsində növbəti matçına çıxacaq. Flaqmanımızı səfərdə Rusiyanın “Rubin” klubu ilə çətin sinaq gözləyir. Matçdan əvvəl mətbuat üçün açıq məşqdə isə “Neftçi” klubu problemlə üzləşib. Belə ki, “Rubin” tərəfi stadionda cəmi iki projektorun işığını yandırıb. Belə olan halda isə flaqman yarımqaranlıq stadionda məşq keçməli olub.

Komandamız artıq Kazanda son məşqinə çıxıb. Məşqdə zədəli Cavid İmamverdiyevi çıxmaq şərtilə heyətin qalan üzvləri iştirak edib. Məşqin əvvəlində “Neftçi”nin baş məşqçisi Böyükağa Hacıyev yetirmələrini başına yığaraq onlara müəyyən tapşırıqlarını verib. Daha sonra isə futbolçuar toplu çalışmalar üzərində işləyiblər.

Məşqdən sonra baş tutan mətbuat konfransında isə Hacıyev yenə iddialı açıqlamaları ilə diqqət çəkib.

Qeyd edək ki, oyuna maraq elə də böyük deyil. 24 min tamaşaçı tutumuna malik mərkəzi stadiona cəmi 4 min bilet satılıb. Buna baxmayaraq, “Neftçi” oyun zamanı dəstəksiz qalmayacaq. Belə ki oyunu izləməyə 800 azərbaycanlı azərkeşin gələcəyi gözlənilir. Sonda xatırladaq ki, “Rubin” – “Neftçi” oyunu saat 21:00-da başlayacaq və AzTV-də canlı yayımlanacaq.