Kaka yenidən millidə

"Real "(Madrid) futbol klubunda əsas heyətə düşə bilməyən Rikardo Kaka Braziliyanın milli komandasından dəvət alıb. Publika.Az-ın Türkiyə mətbuatına istinadən verdiyi xəbərə görə, portuqaliyalı baş məşqçi Mourinyonun şans vermədiyi futbol ulduzu Braziliya millisinin İraq və Yaponiya ilə keçirəcəyi yoldaşlıq görüşlərində iştirak edəcək. Baş məşqçi Mano Menezes də növbəti oyunlarda çıxış etməsi üçün Kakanın adını heyətdə oynayacaqlar sırasına əlavə edib.

Brazilya mətbuatı isə bu məsələyə belə yanaşıb: “Kakanın Brazilya millisinə gəlməyinin əsas səbəbi, baş məşqçinin futbolçuya mənəvi dəstək olmaq istəyidir”.

Azərbaycan millisindən antirekord

Bu gün FIFA U-17 qadınlararası dünya çempionatı Azərbaycan 2012-nin üçüncü turunun növbəti oyunları keçirilib.
"A" qrupunda baş tutan Kanada-Azərbaycan oyunu 1:0 hesabı ilə kanadalı futbolçuların xeyrinə bitib.
Qrupun digər oyununda Nigeriya Kolumbiya ilə qarşılaşıb. Afrika təmsilçisi 3:0 hesabı ilə Kolumbiya üzərində qələbə qazanıb.
Bununla da qızlardan ibarət milli yığmamız keçirdiyi bütün görüşlərdə qol vurmadan məğlub olaraq, antirekorda imza atıb.

PS. Onlar Məğlub olsalarda Dünyanın ən gözəl futbolçularıdır... 

Tanış olun