Portuqaliyanın məşhur tvgolo.com portalı geridə qoyduğumuz həftənin ən gözəl qollarını müəyyənləşdirib. Azarkeşlərin səsverməsi nəticəsində həftənin ən gözəl qolu siyahısına “Real”ın portuqaliyalı futbolçusu Kriştiano Ronaldonun “Rayo Valyekano”nun qapısına dabanla vurduğu qol başçılıq edir. Səs verən azarkeşlərin 34,67 faizi məhz bu qolu bəyəniblər. 

Sonrakı pillədə Henri Lansburinin (İngiltərə U 21) rəqib qapısına vurduğu qol qərarlaşıb. Azarkeşlərdən 21, 86 faizi bu qolu bəyənib. Üçüncü pillədə isə azarkeşlərin 13.28 faizinin səsini qazanmış Kristof Kramer “Bohum” qərarlaşıb.

Həftənin ən gözəl qolları siyahısına Coş Vriyt “Milvoll”, Didye Ya Kanan “Hannover-96”, Şerli Mulqreu “Seltik”, Lionel Messi “Barselona”, Mişel Bastos “Olimpik” (Lİon) və Roberto Soldado (İspaniya) kimi futbolçuların rəqib qapılara vurduqları qollar da düşüb. Qeyd edək ki, azardkeşlər tvgolo.com saytına daxil olaraq bəyəndikləri qola səs verə bilərlər.