Yarımfinalda təmsilçimiz gürcüstanlı Revaz Laşxi ilə qarşılaşıb. Sevinən tərəf Gürcüstan təmsilçisi olub. Əliyev bürünc medal uğrunda mübarizə aparacaq
*******
Bu gün XXX London Yay Olimpiadasında daha iki güləşçimiz döşək üzərinə çıxıb.
Güləşçilərimizdən Həsən Əliyev (60 kq) və Saman Təhmasibi (84 kq) medal qazanmaq uğrunda mübarizə aparıblar.
İlk mərhələdən azad olan Həsən Əliyev mübarizəyə 1/8 finaldan qatılıb. Təmsilçimiz bu mərhələdə norveçli Andre Berqe Stiqlə üz-üzə gəlib. Görüş Bakı vaxtı ilə saat 17:27-də başlayıb. İlk hissə H.Əliyevin üstünlüyü ilə başa çatıb – 1:0. Təmsilçimiz ikinci hissədə üstünlüyünü əldən verib – 1:1. Əlavə hissədə rəqibindən 1 xal alan Əliyev 1/4 finala adlayıb.
H.Əliyev 1/4 finalda Cənubi Koreya idmançısı Ji Hun Yanqla qarşılaşır. Həmin görüş isə Bakı vaxtı ilə saat 18:36-da başlayıb. İdmançımız ilk hissəni öz xeyrinə başa vurub – 2:0. İkinci hissəni də üstün keçirən Həsən Əliyev yarımfinala vəsiqə qazanıb.
Digər təmsilçimiz Saman Təhmasibi də Əliyev kimi yarışa 1/8 finaldan qoşulub. Güləşçimiz ilk görüşündə Gürcüstan təmsilçisi Vladimir Gegeşidze ilə qarşılaşb. Həmin görüşə isə Bakı vaxtı ilə saat 17:36-da start verilib. İlk hissə rəqibin üstünlüyü ilə keçib – 0:2. İkinci hissədə özünə gələn Təhmasibi rəqibindən 2 xal almağa müvəffəq olub – 2:0. Əlavə hissədə rəqibinə uduzan idmançımız mübarizəni dayandırıb.
Qeyd edək ki, Londona 5 güləşçi ilə yollanan millimizin 2 təmsilçisi artıq çıxışlarını medalla başa vurublar. Bunlardan Rövşən Bayramov ölkəmizə gümüş, Emin Əhmədov isə bürünc medal qazandırıb.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.