Bu gün futbol üzrə Avropa çempionatının qrup mərhələsində növbəti oyunlar keçirilib.

Qol.Az-ın məlumatına görə, Ukrayna və Polşanın birgə təşkilatçılığı ilə keçiriləcək turnirin ikinci günündə iki qarşılaşma baş tutub.

B qrupunda ilk öncə meydana Hollandiya və Danimarka yığmaları çıxıb. "Avro-2012"nin əsas favoritlərindən hesab olunan Hollandiya millisi ilk görüşündə qələbə qazanmağa çalışacaqdı. Lakin Danimarka bu görüşdə 1:0 hesabı ilə qalib gələrək turnirin ilk sensasiyasına imza atıb. 

Günün ən maraq doğuran qarşılaşması isə Bakı vaxtı ilə saat 23:45-də başlayıb. Burada son Avropa çempionatının finalçısı Almaniya millisi Portuqaliyanı sınağa çəkib. Bu matçın da taleyini bir həll edib. Mario Qomezin görüşün 73-cü dəqiqəsində vurduğu qol Bundestimə qələbə qazandırıb - 1:0.

 
9 iyun

"Avro-2012"nin qrup oyunları
B qrupu

23:45. Almaniya - Portuqaliya - 1:0
Qol: Qomez, 73 (1:0)

Almaniya: Noyer, Boatenq, Hummels, Badştuber, Lam (k), Xedira, Şvaynştayger, Müller (Bender, 90+2), Özil (Kroos, 87), Podolski, Qomez (Kloze, 80)

Portuqaliya: Patrisio, Pereyra, Pepe, Alveş, Koentrao, Meyreleş, Veloso, Moutinyo, Ronaldo (k), Poştiqa (Oliveyra, 70), Nani 

21:00. Hollandiya - Danimarka - 0:1
Qol: Krohn-Dehli, 24 (0:1) 

Hollandiya: Stekelenburq, Van der Viel (Kuyt, 84), Heytinqa, Vlaar, Villems, De Yonq (Van der Vart, 69), Van Bommel (k), Robben, Sneyder, Afellay (Huntelar, 69), Van Persi

Danimarka: Andersen, Yakobsen, Agger (k), Kyaer, S.Poulsen. Kvist, Zimlinq, Rommedal (Mikelsen, 83), Eriksen (Şone, 74), Krohn-Dehli, Bendtner

10 iyun

C qrupu

21:00. İspaniya - İtaliya

23:45. İrlandiya - Xorvatiya

11 iyun
D qrupu

21:00. Fransa - İngiltərə

23:45. Ukrayna - İsveç

A qrupu

Rusiya - Çexiya - 4:1
Qollar: Zaqoyev, 15 (1:0), Şirokov, 24 (2:0), Pilar, 51 (2:1), Zaqoyev, 79 (3:1), Pavlyuçenko, 82 (4:1)


Polşa - Yunanıstan - 1:1
Qollar: Levandovski, 17 (1:0), Salpinqidis, 51 (1:1)
Qırmızı vərəqə: Papastatopoulos, 45 (Yunanıstan), Şesni, 69 (Polşa)

Qeyd edək ki, Yunanıstan millisi matçın 71-ci dəqiqəsində penalti zərbəsindən yararlana bilməyib. Karagunisin vurduğu zərbəni Polşanın qapıçısı zərərsizləşdirib.