Dünya çempionatında qrup mərhələsinin oyunları davam edir.

Azad.Az Qol.Az-a istinadən bildirir ki, bu gün daha 4 qarşılaşma baş tutacaq.

İlk öncə D qrupunun iki oyunu keçiriləcək. Artıq 1/8 finalda oynamaq hüququ əldə edən Kosta Rika millisi mundialla vidalaşan İngiltərə ilə qarşılaşacaq. İtaliya və Uruqvay yığmaları isə 1/8 finala vəsiqə uğrunda mübarizə aparacaqlar. Növbəti mərhələyə vəsiqə əldə etmək üçün İtaliyanı bir xal da təmin edir, Uruqvay isə mütləq qələbə qazanmalıdır.

Gecə saatlarında C qrupunun oyunlarına start veriləcək. 1/8 finala yüksəlmək şanslarını saxlayan Yunanıstan və Fil Dişi Sahili yığmaları münasibətlərinə aydınlıq gətirəcəklər. 1/8 finala yüksəlmək üçün bu görüşdə Afrika təmsilçisini 1 xal qane etdiyi halda, Yunanıstan millisi mütləq qələbə qazanmalıdır.  

Digər oyunda Yaponiya Kolumbiya millisi ilə qarşılaşacaq. Artıq 1/8 finala vəsiqəni təmin edən Kolumbiya yığması üçün bu görüş formal xarakter daşıyacaq. Lakin mundialda mübarizəni davam etdirmək üçün bu oyunda Yaponiya millisini yalnız 3 xal qane edəcək. Fil Dişi Sahili yığması Yunanıstanla matçda 1 xal qazanacağı təqdirdə Yaponiya milisinin 1/8 finala çıxmaq şansı qalmayacaq. Hər iki komandanın 4 xalı olarsa, şəxsi görüşdə Afrika ölkəsinə uduzan yaponlar mundialda mübarizəni dayandıracaqlar.

24 İyun 

C qrupu

01:00. Yunanıstan - Fil Dişi Sahili - 2:1
Qollr: Samaris, 43 (1:0), Boni, 80 (1:1), Samaras, 90+2-pen. (2:1)

01:00. Yaponiya - Kolumbiya - 1:4 
Qollar: Kuadrado, 16-pen. (0:1), Okzaki, 45+1 (1:1), Martinez, 55 (1:2), 82 (1:3), Rodrigez, 90 (1:4) 

  
D qrupu

21:00. Kosta-Rika - İngiltərə - 0:0

21:00. İtaliya - Uruqvay - 0:1 
Qol: Dieqo Qodin, 81 (0:1)
Qırmızı vərəqə: Markisio, 60 (İtaliya) 

Bombardirlər:
1. Neymar (Braziliya) - 4 qol
2. Kərim Benzema (Fransa) - 3 qol
3. Tomas Müller (Almaniya) - 3 qol
4. Aryen Robben (Hollandiya) - 3 qol
5. Ender Valensiya (Ekvador) - 3 qol
6. Robin van Persi (Hollandiya) - 3 qol

PS. İtaliya Uruqvay oyunun qısa videosuna buradan baxa bilərsiz