PSJ-nin baş məşqçisi Loren Blan Çempionlar Liqasının 1/4 finalındakı rəqibləri "Çelsi"nin çalışdırıcı Joze Mourinyo ilə polemikaya girməkdən çəkinib.
O, əksinə, portuqaliyalı mütəxəssis haqda müsbət fikirlər səsləndirib. Blan Mourinyonu dünyanın ən yaxşı məşqçilərindən biri hesab edib:
"ÇL-də güclü bir komandaya və baş məşqçiyə qarşı oynayacağıq. Mourinyoya böyük hörmətim var. Onunla polemikaya girmək istəmirəm. Mourinyo çox güclü məşqçidir. Bundan əvvəl çalışdırdığı "Portu", "İnter", "Real"da uğurlar əldə edib. Heç kəs Mourinyoya pis söz deməyə cəsarət edə bilməz".
Son olaraq "İnter"in təklifini rədd edən "Arsenal"ın futbolçusu Bakari Sanyanı bu dəfə "Mançester Siti" heyətinə qatmağı planlaşdırır.
Fransalı oyunçuya Mançester təmsilçisi üç illik müqavilə təklif edib. Premyer liqada qalmağı düşünən Sanyanın "Mançester Siti"nin bu təklifinə müsbət cavab verəcəyi gözlənilir.
Qeyd edək ki, Sanya 2007-ci ildən "Arsenal"ın şərəfini qoruyur.
"Barselona" klubunun hücumçusu Aleksis Sançez mövsümün sonunda komandadan gedəcəyi ilə bağlı yayılan xəbərlərə münasibət bildirib.
"Sport.es"ə danışan çilili futbolçu "Barselona"dan ayrılmaq niyyətində olmadığını bildirib:
"Son zamanlar mənim A Seriyasına yollanacağım haqda xəbərlər yayılıb. Ancaq mən "Barselona"nın futbolçusuyam və burada məni hər şey qane edir. Karyeramı məhz "Barsa"da davam etdirməyi düşünürəm. Məncə, elə rəhbərlik də mənim komandada qalmağımı istəyir. Buna görə komandadan getməyim üçün heç bir səbəb görmürəm".
Qeyd edək ki, Sançezlə "Yuventus" və "İnter" klubları yaxından maraqlanır.
Avropanın aparıcı futbol çempionatlarında ən çox kobudluğa məruz qalan oyunçular müəyyənləşib.
10 futbolçunun yer aldığı siyahıya "Atletiko" (Madrid) klubunun hücumçusu Dieqo Kosta başçılıq edir.
Bu mövsüm İspaniya millisinin üzvünə qarşı 97 dəfə qayda pozulub. Alessandro Diamanti ("Bolonya", Quançjou") ikinci, Rafinya ("Selta Viqo") isə üçüncü olub.
1. Dieqo Kosta ("Atletiko", Madrid) - 97 dəfə qayda pozulub.
2. Alessandro Diamanti ("Bolonya", Quançjou") - 91 dəfə qayda pozulub.
3. Rafinya ("Selta Viqo") - 90 dəfə qayda pozulub.
4. Karlos Vela ("Real Sosyedad") - 88 dəfə qayda pozulub.
5. Matye Valbuena ("Marsel") - 86 dəfə qayda pozulub.
6. Eden Hazard ("Çelsi") - 85 dəfə qayda pozulub.
7. Pablo Barrientos ("Kataniya) - 82 dəfə qayda pozulub.
8. Remi Kabella ("Monpelye") - 81 dəfə qayda pozulub.
9. Xuan Kuadrado ("Fiorentina") - 76 dəfə qayda pozulub.
10. Robert Levandovski ("Borussiya", Dortmund) - 73 dəfə qayda pozulub
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.